සටහන – පුලී
අගෝස්තු 12, කොළඹ (LNW): පාපන්දු ලෝකයේ සුපිරි තරුව වන රොනාල්ඩෝ සහ ඔහුගේ දිගුකාලීන සහකාරිය වන Georgina Rodríguez විවාහ ගිවිසගෙන ඇති බව වාර්තා වීම ගෝලීය වශයෙන් උඩු දුවන පුවතක්ව දැන් හමාරය.
Rodríguez සිය ඉන්ස්ටග්‍රෑමයෙහි සටහනකින් මෙම පුවත නිවේදනය කළ අතර එයට ඇගේ අත රැඳි නව දියමන්ති මුද්දෙහි පින්තූරයක් ද ඇතුළත් විය.
ඇය “Yes I do. In this life and all my lives.” එහි මෙලෙස සටහන් කර තිබිණි.
පෘතුගාල පාපන්දු ක්‍රීඩක රොනාල්ඩෝට මුළු දරුවන් පස් දෙනෙක් සිටින අතර, ඔවුන්ගෙන් දෙදෙනෙක් ඔහු සහ Rodríguez ගේ වේ. ඔවුන්ගේ බාල දියණිය බෙලා 2022 අප්‍රේල් මාසයේදී උපත ලැබූ අතර, ඒ සමඟම මිය ගිය පිරිමි ළමයෙකු ද විය.Rodríguez රොනාල්ඩෝගේ අනෙක් දරුවන් තිදෙනා ඇති දැඩි කිරීමට ද සහයෝගය ලබා දුනි.
ඇයගේම නෙට්ෆ්ලික්ස් රියැලිටි වැඩසටහනක් වන අයි ඇම් ජෝර්ජිනා හි සිටි 31 හැවිරිදි ඇය මීට පෙර ඇගේ විවාහ ගිවිස ගැනීමේ තත්ත්වය පිළිබඳව කතා කළාය. වැඩසටහනේදී, ඇය පැවසුවේ ඇගේ මිතුරන් “විවාහය ගැන සැමවිටම විහිළු කරන” බවයි.
ඔන්න දැන් ඇයටත් වසන්තය එළැඹ ඇතැයි කියා අපි පවසමු!
