රෂිකා හෙන්නායක අගෝස්තු 13, කොළඹ (LNW):
2024 ජනාධිපතිවරණය සදහා ඇප මුදල් තැන්පත් කිරීම හෙට මධ්‍යහ්න 12න් අවසන් වේ.
මේ වන විට ජනාධිපතිවරණය සදහා අපේක්ෂකයින් තිස්හතර දෙනෙකු ඇප මුදල් තැන්පත්කර ඇති අතර, සර්ව ජන බලය එකමුතුවේ ජනාධිපති අපේක්ෂක දිලිත් ජයවීර සහ ජන අරගල සන්ධානයේ ජනාධිපති අපේක්ෂක නුවන් බෝපගේ යන මහත්වරුන් වෙනුවෙන් අද (13) දින ඇප මුදල් තැන්පත් කරන ලදී.
මේ වනවිට අපේක්ෂකයින් 33 දෙනෙකු ඇප මුදල් තැන්පත් කර ඇති අතර, පිළිගත් දේශපාලන පක්ෂ 16ක් සහ ස්වාධීන අපේක්ෂකයින් 15 දෙනෙකු ඒ අතර වන බව සඳහන් වේ.
ජනාධිපතිවරණය සදහා වැඩිවන සෑම අපේක්ෂකයෙක් සඳහා මිලියන 200ක අමතර වියදමක් දැරීමටද සිදුවන බව මැතිවරණ කොමිෂන් සභාව සදහන් කරයි.
මේ අතර මැතිවරණ සම්බන්ධයෙන් පැමිණිලි 337ක් ලැබී ඇති බව මැතිවරණ කොමිෂන් සභාව පවසන අතර, ඉන් 329ක්ම නීති උල්ලංඝනය කිරීම සම්බන්ධයෙන් ලැබී ඇති අතර එක් පැමිණිල්ලක් ලැබී ඇත්තේ ප්‍රචණ්ඩ ක්‍රියාවලට අදාලව බවද සඳහන් වේ.
