ජනාධිපති රනිල් වික්රමසිංහ රජය විසින් දෙමළ ඩයස්පෝරා කිහිපයක තහනම ඉවත් කිරීම සුභවාදී දෙයක් බව සමඟි ජන බලවේගයේ පාර්ලිමේන්තු මන්ත්රී මනෝ ගනේෂන් මහතා පැවසුවේය.
ඒ, අද (15) කොළඹදී පැවති මාධ්ය හමුවකදීය.
මෙම තීරණය ලංකාව සම්බන්ධයෙන් ලෝකය සුභවාදීව බලන දෙයක් බව ඔහු කියා සිටියේය.
ඩයස්පෝරාවත් සමඟ නිසි ලෙස සාකච්ජා කළ හොත් රට මුහුණ දී සිටින මූල්ය අර්බුදයට ද විසඳුම් සපයා ගත හැකි අතර ඒ වෙනුවෙන් තමන්ට ක්රියා කළ හැකි බවත් ඇමතිකම් හෝ අවශ්ය නොවන බවත් මනෝ ගනේෂන මහතා ප්රකාශ කළේය.
මෙලෙස අලුත් ආකාරයට ඇස් හැර බැලිය යුතු වන බවයි මන්ත්රීවරයා අවධාරණය කළේ.
ඒ අනුව ජනාධිපති රනිල් වික්රමසිංහ මහතා කළ දේ සම්බන්ධයෙන් සතුටු වන බව මනෝ ගනේෂන් මහතා පවසන ලදී.
කෙසේවෙතත් ගුණදාස අමරසේකර,මොහොමඩ් මුසම්මිල්,විමල් වීරවංශ වැන්නන් මෙවැනි දේ දුටුවේ වැරදි ආකාරයෙන් වන අතර දැන් හෝ එය වෙනස් විය යුතු බවත් අද වන විට රට තිබෙන තැනට ගෙනාවේ ඔවුන් බවත් මන්ත්රීවරයා සඳහන් කළේය.
ASK
