අද (18) දිනයේදී උතුරු – නැගෙනහිර ප්‍රදේශවල පැවැත්වීමට නියමිතව ඇති හර්තාල් ව්‍යාපාරය අසාර්ථක වන ලකුණු පහළ වී ඇති බව ආරංචිමාර්ග පවසයි.
ඒ, උතුරු – නැගෙනහිර ප්‍රධාන දේශපාලන පක්ෂවල නායකයින් අතර පවතින අභ්‍යන්තර ප්‍රශ්න හේතුවෙන් බවයි ආරංචිමාර්ග සඳහන් කළේ.
ඒ අනුව ඇතැම් වෙළඳ සංගම් මෙම හර්තාලයට සහාය නොදැක්වීමට තීරණය කර ඇති බවත් වාර්තා විය.
ත්‍රස්ත්වාදය වැළැක්වීමේ පනත අහෝසි නොකිරීම, දෙමළ ජනතාවගේ ඉඩම් ගැටලු නොවිසඳීම සහ පසුගිය 07 වනදා මුලතිව් ප්‍රදේශයේ හමුදා කඳවුරකට ඇතුළු වූ 32 හැවිරිදි තරුණයකුගේ අබිරහස් මරණය යන කරුණුවලට විරෝධය පළකරමින් මෙම හර්තාල් ව්‍යාපාරය කැඳවීමට ඉලංගෛ තමිල් අරසු පක්ෂයේ නායකයින් කටයුතු කර තිබුණු අතර ඊට වතුකරයේ ඇතැම් පක්ෂ ද සහාය ලබාදෙන බව පවසා තිබිණි.
