මෙම වසර තුළදී පමණක් ශ්‍රී ලංකාවට ඇමරිකානු ඩොලර් බිලියන 3.8 ක ආධාර ලබා දී ඇති බව ඉන්දීය විදේශ අමාත්‍ය එස්. ජයිශංකර් මහතා පවසනවා. මුල්‍යාධාර, ණය පහසුකම්, විදේශ විනිමය හුවමාරු ඇතුළු සියලු අංශවලින් මෙම ආධාර ලබා දුන් බවයි විදේශ ඇමතිවරයා සඳහන් කරන්නේ.
ඉන්දු-පැසිෆික් කලාපය සඳහා වන ඉන්දියාවේ දැක්ම මැයෙන් තායිලන්තයේදී පැවති සම්මන්ත්‍රණයක් අවසානයේදී ඔහු වෙත යොමුකළ ප්‍රශ්නයකට ප්‍රතිචාර දක්වමින් මේ බව සඳහන් කර තිබේ.
තවදුරටත් සෘජුවම ණය ආධාර හෝ විනිමය හුවමාරු පහසුකම් සැපයීමට නොහැකි වන නමුත් ජාත්‍යන්තර මුල්‍ය අරමුදල හරහා සැපයිය හැකි ඕනෑම සහයක් ශ්‍රී ලංකාව වෙනුවෙන් ලබාදීමට තම රජය සූදානම් බවද ජයිශංකර් මහතා ප්‍රකාශ කරනවා.
UN
