සටහන: සශිකලා මධුෂාණි,
අගෝස්තු 21, ලෝකය (අවුට්බවුන්ඩ් ටුඩේ) : ඇමරිකා එක්සත් ජනපදයේ නොවැම්බර් 5 පැවැත්වීමට නියමිත ජනාධිපතිවරණයට දින 78ක් තිබියදී හිටපු ජනාධිපති ඩොනල්ඩ් ට්‍රම්ප්ගේ බහුතර හිමිකාරීත්වය දරන ට්‍රම්ප් මීඩියා ඇන්ඩ් ටෙක්නොලොජි ගෲප් (DJT)හි කොටස් මිල වාර්තාගත ලෙස පහත වැටි ඇති බව වාර්තා වේ.
ඒ අනුව ඊයේ(20) දිනය වන විට ට්‍රම්ප් මීඩියා හි කොටස් මිල ඩොලර් 21.33 දක්වා පහත වැටුණු අතර එය සියයට 4%කට වඩා අඩු වීමකි.
මිට අමතරව ඩොලර් බිලියන 4.3 ක පමණ වෙළඳපල වටිනාකමක් ඇති ඩොනල්ඩ් ට්‍රම්ප්ගේ ප්‍රධාන වත්කම වන Truth Social යෙදුම ද ඩොලර් මිලියන 16.4 ක පමණ පාඩුවක් සනිටුහන් කර ඇති අතර මෑත සතිවල ඡන්ද විමසීම් සහ මැතිවරණ ඔට්ටු ඇල්ලීමේ වෙලඳපොලවල ට්‍රම්ප්ගේ අඩුවෙමින් පවතින ප්‍රමුඛතාවය ඔහුගේ මාධ්‍ය කොටස් අඩුවීමට බලපා තිබේ.
ඒ අනුව, එය ට්‍රම්ප් දෙවන වාරය ජයග්‍රහණය කරයිද යන්න සම්බන්ධයෙන් ජනතාව අතර සැක සංකා ඇතිකර තිබේ.
