සටහන – රෂිකා හෙන්නායක
කොළඹ (LNW): ඉදිරියේදී පැවැත්වීමට නියමිත රිපබ්ලිකන් පක්ෂයේ ජනාධිපතිවරණ විවාදවලට සහභාගී නොවන බව ඩොනල්ඩ් ට්‍රම්ප් තහවුරු කර තිබෙනවා .එයට හේතුව ලෙස, 2024 මැතිවරණය සඳහා පක්ෂයේ අපේක්ෂකයා වීමට අනෙකුත් අයට වඩා තමාට අවස්ථාව ඇති බව නවතම මත විමසුමකින් පෙන්නුම් කළ බව හිටපු ජනාධිපතිවරයා කියා සිටින්නේ.
රිපබ්ලිකන් ජනාධිපති ප්‍රාථමික විවාදය අගෝස්තු 23 වෙනිදා පැවැත්වෙනු ඇති අතර දෙවන විවාදය පසු දිනයේ පැවැත්වෙනු ඇත. විදෙස් මාධ්‍ය පවසන්නේ ඉදිරි මාසවලදී අවම වශයෙන් තවත් විවාදයන් දෙකක් අපේක්ෂා කෙරෙන බවයි.
රිපබ්ලිකන් ප්‍රාථමික මැතිවරණයේ ඡන්දය ප්‍රකාශ කිරීම 2024 ජනවාරි 15 වන දින අයෝවා ප්‍රාන්තයෙන් ආරම්භ වන නමුත් එය ජය ගැනීම සඳහා තවත් විවාද පැවැත්වීමට ඉඩ ඇති බවද සඳහන්.
විදෙස් මාධ්‍ය වාර්තා කරන්නේ , සාපරාධී චෝදනා රැසකට මුහුණ දී සිටින ට්‍රම්ප් මේ වන විට රිපබ්ලිකන් අපේක්ෂකත්වයේ ඉදිරියෙන්ම සිටින බව මෑත කාලීන මත විමසුම්වලින් නිරන්තරයෙන් පෙන්නුම් කර ඇති බවයි.
අමෙරිකාවේ 45 වැනි ජනාධිපතිවරයා වන ඩොනල්ඩ් ට්‍රම්ප්ට සිව් වතාවක් සාපරාධී අධිචෝදනා ගොනු කර තිබෙන බවද විදෙස් මාධ්‍ය පෙන්වා දෙයි.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
