කොට්ටාව ප්‍රදේශයේදී තරුණයෙකුගේ ගෙළ බැඳි මාලය කඩාගෙන, ඔහුගේ ඇපල් වර්ගයේ ජංගම දුරකථනය මංකොල්ල කෑ පොලිස් නිලධාරීන් සිව්දෙනෙකු කොට්ටාව පොලිසිය විසින් අත් අඩංගුවට ගෙන තිබේ.
මෙම පොලිස් නිලධාරීන් සිව්දෙනා මාලබේ පොලිස් ස්ථානයට අනුයුක්තව සේවය කරන අය වෙති. ඔවුන්ගෙන් එක් අයෙකු සැරයන්වරයකු වන අතර සෙසු තිදෙනා කොස්තාපල්වරුන් වේ.
වීරකැටිය ප්‍රදේශයේ පදිංචි තරුණයකු පසුගිය 20 වනදා කොට්ටාව විද්‍යාල හංදියේ පිහිටි සිය සහෝදරියගේ නිවසට පැමිණ එම නිවස ඉදිරිපිට සිටියදී ත්‍රීරෝද රථයකින් පැමිණි මෙම පොලිස් නිලධාරීන් සිව්දෙනා ඔහුගේ රන් මාලය සහ ජංගම දුරකථනය කොල්ලකා පළාගොස් ඇති බව විමර්ශනවලදී අනාවරණ වී ඇත.
එම කොල්ලය සඳහා යොදාගත් ත්‍රීරෝද රථයත් කොල්ල කෑ රන් මාලය සහ ජංගම දුරකථනයත් පොලිසිය විසින් සොයාගෙන තිබේ.
RN
