රෂිකා හෙන්නායක අගෝස්තු 24, කොළඹ LNW:
රක්‍ෂිත බන්ධනාගාරගත කර සිටින හිටපු ජනාධිපති රනිල් වික්‍රමසිංහ මහතාට ඇප ලබාගැනීම සඳහා කටයුතු කළ යුතු ආකාරය සම්බන්ධයෙන් විශේෂ සාකච්ඡා කිහිපයක් අද දිනයේද පැවැත්වීමට නියමිතව තිබෙන බව, එක්සත් ජාතික පක්‍ෂයේ උප නායක, හිටපු අමාත්‍ය අකිල විරාජ් කාරියවසම් මහතා පවසයි.
ඒ අනුව ඊයේ (23) දිනයේද ඇප ලබාගැනීම සම්බන්ධයෙන් ජ්‍යේෂ්ඨ නීතිඥවරුන් රැසක් සමග සාකච්ඡා සිදු කළ බව අකිල විරාජ් කාරියවසම් මහතා පවසයි.
එක්සත් ජාතික පක්ෂ උප නායකයා වැඩිදුරටත් පැවසුවේ, හිටපු ජනාධිපති රනිල් වික්‍රමසිංහ මහතා වෙනුවෙන් පක්ෂ පාට භේදයකින් තොරව විශාල පිරිසක් පෙනී සිටින බවට ප්‍රකාශ කර ඇති බවයි.
