ශ්රී ලංකාව තුළ ක්රියාත්මක මර්දන නීතිවලට එරෙහිව අවශ්ය පියවර ගන්නැයි ඉල්ලමින් ඇමරිකානු රාජ්ය ලේකම් ඇන්තනි බ්ලින්කන් සහ USAID ප්රධානී සමන්තා පවර් මහත්මිය වෙත ලිපියක් යොමුකර තිබෙනවා. මෙම ලිපිය සඳහා ඇමරිකානු කොන්ග්රස් සභිකයන් 10 දෙනෙකු අත්සන් තබා තිබේ.
විරෝධතා දැක්වීම සඳහා පුරවැසියන්ට ඇති අයිතිය ආරක්ෂා කළයුතු බවත්, සාමකාමී විරෝධතාකරුවන්ට සහ මාධ්යවේදීන්ට එරෙහිව ප්රචණ්ඩත්වය භාවිතා කිරීම වහාම නතර කළයුතු බවත් පෙන්වා දෙන කොන්ග්රස් සභිකයන් රාජ්ය ලේකම්වරයාගෙන් හා USAID ප්රධානියාගෙන් ඉල්ලා සිටින්නේ ඒ සඳහා හැකි සියලු මාධ්ය හරහා ශ්රී ලංකා රජයට බලපෑම් සිදු කරන ලෙසයි.
ශ්රී ලංකාව ස්ථාවර කිරීම සඳහා ගතහැකි සියලු ක්රියාමාර්ග ගතයුතු බවත්, USAID ආයතනය හරහා ශ්රී ලාංකික ජනතාවට සහන සැළසීම සඳහා කඩිනම් පියවර ගතයුතු බවත් කොන්ග්රස් සභිකයන් අවධාරණය කරනවා.
UN