මගී බස් ධාවනය සඳහා ප්රමාණවත් පරිදි ඩීසල් ලබා නොදෙන බව පෞද්ගලික බස් හිමියන්ගේ සංගමයේ සභාපති ගැමුණු විජේරත්න මහතා පවසනවා. මේ නිසා බස් ධාවන කටයුතු සැළකිය යුතු අන්දමකින් අඩාල වී ඇති බවයි සභාපතිවරයා පෙන්වා දෙන්නේ.
පසුගිය දින තුන තුළදී ලංගම ඩිපෝ හරහා ඩීසල් ලබාදීම නිසිලෙස ක්රියාත්මක වී නොමැති අතර අද දිනයේදීද පූර්ණ ලෙස බස් ධාවන කටයුතු සිදු කිරීමට නොහැකි වූ බව ගැමුණු විජේරත්න මහතා පවසනවා.
මෙම තත්වය මත හෙට දිනය වනවිට බස්රථ 50% ක් හෝ ධාවනයට එකතු කිරීමට නොහැකි වී ඇති බව ඔහු වැඩිදුරටත් ප්රකාශ කරයි.
බස් ධාවනය නිසි පරිදි ක්රියාත්මක කිරීමට නම් ඉන්ධන ලබාදීම සඳහා විධිමත් වැඩපිළිවෙලක් සකස් කරන ලෙසත් මේ පිළිබඳව කඩිනමින් අවධානය යොමු කරන ලෙසත් ගැමුණු විජේරත්න මහතා බළධාරීන්ගෙන් ඉල්ලා සිටිනවා.
UN
