සටහන – රුවන් නෙළුගොල්ල
ජනාධිපති ධුරය දරණ සමයේ ලන්ඩනයේ සිදුකරන ලද සංචාරයකදී රජයේ මුදල් වැයකිරීම සම්බන්ධයෙන් පොදු දේපළ පනත යටතේ චෝදනා එල්ල වී සිටින හිටපු ජනාධිපති රනිල් වික්‍රමසිංහ මහතා සම්බන්ධ නඩුව ලබන ඔක්තෝබර් 29 වනදා නැවත කැඳවීමට කොටුව මහේස්ත්‍රාත් අධිකරණය තීරණය කර තිබේ.
මෙම චෝදනාව සම්බන්ධයෙන් පසුගිය 22 වනදා අපරාධ පරීක්ෂණ දෙපාර්තමේන්තුව විසින් රනිල් වික්‍රමසිංහ මහතාව අත් අඩංගුවට ගෙන අධිකරණයට ඉදිරිපත් කෙරුණු අතර එහිදී ඔහුව රක්ෂිත බන්ධනාගාරගත කිරීමට නියම කෙරිණි.
අද (26) දිනයේදි ඔහුගේ ඇප ඉල්ලීම නැවත සලකා බැලුණු අතර එහිදී ඔහුව රුපියල් ලක්ෂ 50 බැගින් වූ ශරීර ඇප තුනක් මත මුදාහැරීමට නියම කරන ලදී.
