දැනට පවතින ඉන්ධන පෝලිම් අඩුකිරීම සඳහා ඉදිරි දින තුන තුළ සියලුම ඉන්ධන වර්ගවල අතිරේක තොග බෙදාහැරීමට කටයුතු කරන බව බලශක්ති අමාත්‍ය කංචන විජේසේකර මහතා පවසයි.
ගොඩබෑමේ ප්‍රමාදයන්, බෙදාහැරීමේ අඩුපාඩු, පිරවුම්හල් විසින් ඇනවුම් සඳහා ගෙවීම් කිරීමට ප්‍රමාද වීම යන හේතූන් දිගු ඉන්ධන පෝලිම් නිර්මාණය වීමට බලපා ඇති බවයි අමාත්‍යවරයා සඳහන් කරන්නේ.
ඒ අනුව ඉන්ධන බෙදාහැරීම සමාලෝචනය කිරීමෙන් අනතුරුව දිවයින පුරා අතිරේක ඉන්ධන තොග බෙදාහැරීමට කටයුතු කරන බවත් එහෙයින් ඉදිරි දින දෙක තුළ ක්‍රමානුකූලව දැනට පවතින ඉන්ධන පෝලිම් අඩුවනු ඇති බවත් අමාත්‍යවරයා ප්‍රකාශ කරයි.
RN
