නිශ්මං රණසිංහ අගෝස්තු 30, කොළඹ LNW:
ජාතික ක්‍රිඩා උළෙලේ 49 වැන්නේ සමාරම්භයේ ඔලිම්පික් පහන දැල්වීමේ ගෞරවණීය අවස්ථාව බැඩ්මින්ටන් ක්‍රිඩාවෙන් ශ්‍රීලංකාව නියෝජනය කළ නිලූක කරුණාරත්නට සහ මලල ක්‍රිඩාවෙන් ශ්‍රී ලංකාව නියෝජනය කළ තමා රස් සමන් දීපිකාට හිමිව තිබුණා.
ජාතික ක්‍රීඩා උළෙලේ සමාප්තිය සටහන් කරමින් මළ ක්‍රීඩා තරඟ ගල දඩල්ල ක්‍රීඩා සංකීර්ණ ක්‍රීඩා පිටියදී පැවැත්වීමටට නියමිතයි.කාලයක් තිස්සේ පත්වන ක්‍රීඩා අමාත්‍යවරු ඔවුන්ට සමීප වීමට මාන බලන අමාත්‍යාංශයේ සහ ක්‍රීඩා සංවර්ධන දෙපාර්තමේන්තුවේ නිලධාරීන්ගේ ද මග පෙන්වීම ඇතිව දේශපාලනඥයන්ගේ ගම්පළාත්වලට මළල ක්‍රීඩාව රැගෙන යාමෙන්,ජාතික ක්‍රීඩා උළෙලේදී මළල ක්‍රීඩාවේ ප්‍රගතියට හානියක් සිදුවන බව පෙන්වා දුන්නද,වත්මන් අමාත්‍යවරයාද,තමන්ගේ ගම්පළාතට මළල ක්‍රීඩාව රැගෙන ගොස් තිබීම කණගාටුවට කරුණක්.මළල ක්‍රීඩාවට වඩාත්ම උචිත,ඉසව්වල දක්ෂතා ඉහළ මට්ටමට සමීප වන කෘතිම ධාවන පථයකට ජාතික ක්‍රීඩා උළෙලේ මලල ක්‍රීඩා තරග රැගෙන යා යුතු බවට අප විසින් කරන ලද යෝජනාවේ වැදගත්කම නියෝජ්‍ය අමාත්‍ය ධූරයට පත්වීමට පෙර සුගත් තිලකරත්නද අවධානය යොමු කළ කරුණක් වුවද,ජාතික ක්‍රීඩා උළෙලේ මලල ක්‍රීඩා තරග පෙර පරිදිම පැවැත්වීම කණගාටුදායක තත්ත්වයක්.
මෙම තරගාවලිය නිමා වී හෝ අඩුම තරමේ සුගත් තිලකරත්න මූලික වූ කමිටුවක් පත්කර හෝ වත්මන් ක්‍රීඩා අමාත්‍යවරයා,ජාතික ක්‍රීඩා උළෙලේ මළල ක්‍රීඩා ඉසව්වල දක්ෂතාවල කාලීන පසුබැස්මක් ඇති බව අවබෝධ කරගෙන,ඉදිරි ජාතික ක්‍රීඩා තරංගවලදී හෝ මළල ක්‍රීඩා ඉසව්වල ප්‍රගතියක් දැකිය හැකි ආකාරයෙන් එම ඉසව්වලට වඩාත් උචිතමම භූමිය භාවිතා කිරීමට උත්සාහ කරනු ඇතැයි අප බලාපොරොත්තු වෙනවා.
ක්‍රිඩාවට උචිතම භූමිය ක්‍රිඩාවේ ජාතික පරිපාලන වගකීම පැවරෙන ආයතන මඟින් සංවිධානය කරන උළෙලකදී ලබා දීම සිඳුවිය යුතු වීම,ජාතික ක්‍රිඩා උළෙලට පැවරෙන ජාතික වගකීමක් බව අප විශ්වාස කරනවා.මේ ජාතික අවශ්‍යයතාව දේශපාලන අධිකාරියට පෙන්වා දීම වෙනුවට දේශපාලකයාගේ දේශපාලන තීන්දුවලට එකඟ වී දේශපාලන වාසි ලබා ගැනීමේ අරමුණෙන් මෙවැනි තීරණවලට එකඟවීම ආයතන තුළ හැමදාම සිඳු වෙනවා.
මේ තත්ත්වයය ඉදිරියට හෝ අවබෝධ කරගෙන ජාතික ක්‍රිඩා උළෙලකදී එම ක්‍රිඩාව ජාතික වශයෙන් ඉහළම දස්කම් දක්වන බිමක පැවත්වීම කෙරෙහි පැවත්වීමට ප්‍රතිපත්තිමය තීරණයක් ගැනීමට සුගත් තිලකරත්න හෝ අවධානය ගෙන මැදිහත් වෙනු ඇතැයි අප විශ්වාස කරනවා.
මලල ක්‍රිඩාව දේශපාලකයාගේ ගමට අරගෙන යාම ගැන විවේචනයක් ලෙස මෙය භාර ගැනීම පසෙකලා,ගමට ඊට අවශ්‍යය පහසුකම් පළමුව ගෙන ගොස් ජාතික ක්‍රිඩා උළෙල දෙවනුව රැගෙන යාමේ වැදගත්කම පෙන්වා දීමක් ලෙස මෙය භාර ගැනීමට කටයුතු කරනු ඇතැයි අප විශ්වාස කරනවා.පත්වෙන අමාත්‍ය උපදේශකවරු නිරන්තරයෙන් ඉතිහාසයේ සිට තමන් දන්නා ක්‍රිඩාවල තමන්ට ඇති ඇරියස් නිමා කර ගන්න උත්සාහ කරනු විනා ක්‍රිඩාවට ජාතික වටිනාකමක් දෙන්නට කටයුතු කර නැහැ.ඒ නිසාම අප නැවත නැවතත් කියන්නේ ක්‍රිඩා උපදේශ සභාව කියන මිත්‍යාව වෙනුවට එම වගකීම ව්‍යවස්ථාදායක සභාවට පත්වන සියළුම පක්ෂ නියෝජනය වන පාර්ලිමේන්තු කමිටුවකට පැවරීම සිඳු විය යුතු බවයි.
