සටහන : සශිකලා මධුෂාණි
අගෝස්තු මස 31: ලෝකය (අවුට්බවුන්ඩ් ටුඩේ) : අධික වර්ෂාව නිසා යේමනයට බලපා ඇති ගංවතුර තත්වය හේතුවෙන් පුද්ගලයන් 100කට අධික පිරිසක් මියගොස් 38 දෙනෙකු අතුරුදන්ව ඇති බව වාර්තා වේ.
එක්සත් ජාතීන්ගේ සංවිධානයට අනුව, වසර ගණනාවක යුද්ධයෙන් දැනටමත් අවතැන් වී හදිසි මානුෂීය ආධාර අවශ්‍ය වන මිලියන 4.5 ක යේමන වැසියන්ගේ තත්වය ගංවතුර හේතුවෙන් වඩාත් නරක අතට හරි ඇති අතර අවම වශයෙන් රට පුරා නිවාස 56,000 කට බලපා තිබේ.
2014 දී කැරලිකාර හවුති හමුදා සානා අගනුවරට කඩා වැදී ජාත්‍යන්තරව පිළිගත්, සෞදියේ පිටුබලය ලත් රජය පෙරළා දැමීමත් සමඟ යේමනයේ සිවිල් යුද්ධයක් ඇති වූ අතර මේ වන විට එය සෞදි අරාබිය ප්‍රමුඛ සන්ධානයක් සහ ඉරානයේ පිටුබලය ලබන හූතිවරුන් අතර පුලුල් යුද්ධයක් දක්වා පැතිර ගොස් ඇත.
එක්සත් ජාතීන්ගේ සංවිධානය ලෝකයේ දරුණුතම මානුෂිය අර්බුදයන්ගෙන් එකක් වශයෙන් මෙය හඳුන්වා ඇති අතර අවතැන් වූ පවුල්වලින් 85% කට ඔවුන්ගේ දෛනික ආහාර අවශ්‍යතා සපුරාලීමට නොහැකි වී ඇත.
