බලශක්ති අමාත්‍යාංශයේ හිටපු ලේකම්වරයකු වන, ආචාර්ය සුරේන් බටගොඩ මහතා බොහෝවිට මුදල් අමාත්‍යාංශ ලේකම්වරයා වශයෙන් පත්කෙරෙනු ඇති බව ආරංචිමාර්ග පවසයි.
එසේ නොවන්නේ නම් ඇතැම්විට ඒ මහතාව ශ්‍රී ලංකා මහබැංකුවේ අධිපතිවරයා වශයෙන් පත්කිරීමට ද ඉඩ ඇති බවයි ආරංචිමාර්ග සඳහන් කළේ.
සුරේන් බටගොඩ මහතා මීට පෙර මුදල් අමාත්‍යාංශයේ අතිරේක ලේකම්වරයකු වශයෙන් ද කටයුතු කර අත්දැකීම් සපිරි නිලධාරියෙකු වේ.
නීතීඥවරයකු ද වන ඒ මහතා ඇමරිකාවේ සුප්‍රකට හාවඩ් විශ්ව විද්‍යාලයේ උපාධිධාරියෙකි.