නිශ්මං රණසිංහ සැප්තැම්බර් 03, කොළඹ LNW:
ශ්‍රී ලංකාවේ ජාතික බැඩිමින්ටන් සූරිය සහ සූරයා වන රනිත්මා ලියනගේ සහ විරේන් නෙත්තසිංහ නවතම ලෝක ශ්‍රේණිගත කිරීම්වල විශාල ප්‍රගතියක් පෙන්වා පෙරට පැමිණ ඇත.ඒ අතිරින් රනිත්ම මේ දක්වා කිසිඳු ලාංකිකයෙකුට පැමිණෙන්නට නොහැකි වූ සේ කණිෂ්ඨ ක්‍රීඩිකාවන් ශ්‍රේණිගත කිරීමේදී පස්වන ස්ථානය දක්වා ඉදරියට පැමිණ ඇත්තේ. ජ්‍යෙෂ්ඨ හෝ කණිෂ්ඨ ලාංකේය ක්‍රීඩිකාවකට ළගා වීමට නොහැකි ස්ථානයකට පැමිණෙමින්ය. මීට පෙර ඇය සිටියේ නවවන තැනය.එසේම ඇය කාන්තා ජ්‍යෙෂ්ඨ ක්‍රීඩිකාවන් අතර ද ස්ථාන 10 ක් පෙරට පැමිණ 101 වන ස්ථානය දක්වා පෙරට පැමිණ ඇත.
විරේන් නෙත්තසිංහ ද ගෙවුණු කාලයේ ජාත්‍යන්තර පිටියේ ඉහළ දස්කම් දැක් වූ අතර ඔහුද සිය ජගත් ශ්‍රේණිගත කිරීම්වල ස්ථාන 18 ක් පෙරට පැමිණ නවතම ශ්‍රේණිගත කිරීම්වල 58 වන තැන පසු වෙයි.මෙම නවතම ශ්‍රේණිගත කිරීම් සිඳු කර ඇත්තේ 2025 සැප්තැම්බර් 2 වන දා ය.
