රනිල් වික්‍රමසිංහ මහතා අතුරු අයවැයෙන් ඉදිරිපත් කර ඇති ආර්ථික ප්‍රතිපත්ති දිශානතිය සමග තමන්ට කිසිදු ගැටලුවක් නොමැති බවත් තමන් අයවැයට විරුද්ධ නොවුණේ ඒ නිසා බවත් සමගි ජන බලවේගයේ පාර්ලිමේන්තු මන්ත්‍රී ආචාර්ය හර්ෂ ද සිල්වා මහතා පවසයි.
“අපි දිගටම කිව්වේ, ජනාධිපතිතුමා ඉදිරිපත් කරලා තියෙන ආර්ථික ප්‍රතිපත්ති දිශානතියත් එක්ක අපේ ගැටලුවක් නෑ. අපි විශ්වාස කරන ඒ ප්‍රතිසංස්කරණ වැඩපිළිවෙලම තමයි ඉදිරිපත් කරලා තියෙන්නෙ. ඒ නිසා තමයි අපි ඒකට විරුද්ධ වුණේ නැත්තෙ. හැබැයි අපට එකඟ වෙන්න බැරි තව නොයෙකුත් ගොඩක් හේතු තියෙනවා. ආර්ථික වශයෙන් බදු කොයි ආකාරයටද පනවලා තියෙන්නෙ, සාමාන්‍යයෙන් අඩු ආදායම්ලාභීන්ට අවශ්‍ය තරම් සහන ලබානොදීම සම්බන්ධයෙන්, ඊටපස්සෙ මේ ප්‍රතිගාමී බදු සම්බන්ධයෙන් වගේ නොයෙකුත් ගැටලු තියෙනවා ආර්ථිකය පැත්තෙන්. අපට ඊට එහා ගිය ගැටලුත් ගොඩක් තියෙනවා. දූෂණය සම්බන්ධයෙන් කිසිම දෙයක් මේකෙ නෑ”
ආචාර්ය හර්ෂ ද සිල්වා මහතා මේ බව පැවසුවේ ඊයේ (02) පාර්ලිමේන්තු රැස්වීමෙන් අනතුරුව මාධ්‍ය වෙත අදහස් දක්වමිනි.
RN
