කොළඹ LNW:අඟුලාන මුහුදේදී සිදුවූ නාවික යාත්‍රා අනතුරින් අතුරුදන්ව සිටින නාවික හමුදා නිලධාරියාගේ බවට සැක කෙරෙන දේහය සොයාගෙන ති‌බේ.
අද (04) පෙරවරුවේ නාවික කිමිදුම්කරුවන් විසින් යාත්‍රාවෙන් සොයා ගෙන ඇති අතර පසුගිය අගෝස්තු මස 15 වන දින මෙම වේග ප්‍රහාරක යාත්‍රාව අඟුලාන මුහුදු ප්‍රදේශයේදී නාවිකයින් 12 දෙනෙකු සමග අනතුරට ලක්විය.
එම අවස්ථාවේදී එහි සිටි නාවිකයින් 11 දෙනෙකු අඟුලාන පොලිසියේ සහ එම ප්‍රදේශයේ ධීවරයින්ගේ සහාය ඇතිව බේරා ගෙන තිබුණි.
එම අනතුරින් අනතුරුදන්ව සිටි නිලධාරියා සොයා අවට මුහුදු ප්‍රදේශවල සහ වෙරළ තීරයේ, පානදුර සිට කොළඹ හරහා හලාවත දක්වා විහිදෙන පුළුල් සෝදිසි මෙහෙයුම් අඛණ්ඩව සිදු කරන ලද බව නාවික හමුදාව පවසයි.
