සටහන: සශිකලා මධුෂාණි
සැප්තැම්බර් මස 05: ලෝකය(අවුට්බවුන්ඩ් ටුඩේ): තායිලන්තයේ මීළඟ අග්‍රාමාත්‍ය ධුරය වෙනුවෙන් ධනපතියෙකු හා දේශපාලනඥයෙකු වූ අනුටින් චාන්විරකුල් පෙරමුණේ සිටින බව වාර්තා වේ.
තායිලන්තයේ හිටපු අග්‍රාමාත්‍ය කෝටිපති තක්ෂින් ෂිනවත්‍රාගේ දියණිය වන හිටපු අගමැතිනි සදාචාරාත්මක නීති උල්ලංඝනය කළ බව පවසමින්, ආණ්ඩුක්‍රම ව්‍යවස්ථා අධිකරණය පේතොංටාර්න් ෂිනවත්‍රා අගමැති ධුරයෙන් ඉවත් කිරීමත් සමඟ හිස් වූ අග්‍රාමාත්‍ය ධුරය වෙනුවෙන් අනුටින් මෙලෙස තරඟ කරනු ඇත.
කොන්සර්වේටිව් භුම්ජයිතායි පක්ෂයේ නායකයා වශයෙන් මෙන්ම කංසා නීතිගත කිරීම සඳහා වඩාත් ප්‍රසිද්ධ අනුටින්, එහි නායකයින් විසින් සකස් කරන ලද ගිවිසුමකට අත්සන් කළහොත්, අතුරු රජයක් පිහිටුවීම සඳහා ප්‍රධාන විපක්ෂ මහජන පක්ෂයේ මන්ත්‍රීවරුන්ගේ සහාය ඔහුට හිමිවනු ඇත.
අනුටින් මේ සම්බන්ධයෙන් මාධ්‍ය වෙත සඳහන් කර තිබුණේ, මහජන පක්ෂය විසින් නියම කරන ලද කොන්දේසිවලට තමන් කැපවී සිටින බවත්, අගමැති වීමට තමාට ප්‍රමාණවත් සහයෝගයක් ඇති බව තමා විශ්වාස කරන බවත්ය.
තායිලන්තයේ විශාලතම ඉදිකිරීම් සමාගමක ප්‍රධාන කොටස් හිමියෙකු වන රාජකීය ගතානුගතිකයෙකු වන අනුටින්, වසංගතය අතරතුර මහජන සෞඛ්‍ය අමාත්‍යවරයා ලෙස සේවය කළේය. මෑතක් වන තුරුම ඔහුගේ පක්ෂය ෆියු තායි සමඟ සභාග රජයක සිටියේය, නමුත් පේටොංටාර්න් කාම්බෝජය සමඟ දේශසීමා ආරවුල හසුරුවන ආකාරය සම්බන්ධයෙන් ඇති වූ අර්බුදය අතරතුර එය රජයෙන් ඉවත් විය.
