සටහන – රෂිකා හෙන්නායක
කොළඹ (LNW): එක්සත් ජනපද නිලධාරියෙකුගේ ප්රකාශයක් උපුටා දක්වමින් විදෙස් මාධ්ය වාර්තා කරන්නේ , මෙම මස තුළ රුසියාවේ ජනාධිපති ව්ලැඩිමීර් පුටින්, උතුරු කොරියාවේ නායක කිම් ජොන් උන් හමුවීමට රුසියාවට යාමට සැළසුම් කර ඇති බවයි.
එහි වැඩිදුරටත් සඳහන් කර තිබෙන්නේ, යුක්රේනයේ පවතින යුද්ධයට සහාය වීම සඳහා උතුරු කොරියාවෙන් මොස්කව් වෙත ආයුධ සැපයීමේ හැකියාව පිළිබඳව නායකයින් දෙදෙනා සාකච්ඡා කරනු ඇති බවත් , සැළසුම් කර ඇති මෙම රැස්වීම පැවැත්වෙන නිශ්චිත ස්ථානය පිළිබඳව පැහැදිලි නැති බවද සඳහන්.
උතුරු කොරියාවෙන් හෝ රුසියාවෙන් මේ පිළිබඳව තවමත් අදහස් දැක්වීමක්ද සිදු කර නැති අතර උතුරු කොරියාවේ නායක කිම් ජොන් උන් බොහෝ දුරට සන්නද්ධ දුම්රියෙන් ගමන් කිරීමට ඉඩ ඇති බවද විදෙස් මාධ්ය වාර්තා කරයි.
තවද, එක්සත් ජනපදය අනතුරු අඟවා ඇත්තේ
උතුරු කොරියාව රුසියාවට ආයුධ, සැපයුවහොත් සම්බාධක පැනවීම ඇතුළු ක්රියාමාර්ග ගන්නා බවටයි.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
