කොළඹ LNW:නිල ඡන්ද දැන්වීම් පත්‍රිකා නිවෙස් වෙත බෙදා දීමේ කටයුතු ද මේ වනවිට සාර්ථකව ක්‍රියාත්මක වෙමින් තිබෙන අතර හෙට (08) දිනය එම ඡන්ද දැන්වීම් පත්‍රිකා බෙදීමේ විශේෂ දිනයක් ලෙස ප්‍රකාශයට පත් කර තිබේ.
ඒ අනුව හෙට දිනයේ නිල ජන්ද පත්‍රිකා නිවෙස් වෙත බෙදා හැරීමට තැපැල් සේවකයින් කාර්යක්ෂමව යොදවා ඇති බවයි තැපැල් දෙපාර්තමේන්තුව පවසන්නේ.
මේ අතර සලකුණු කළ තැපැල් ඡන්ද පත්‍රිකා රක්ෂිත පැකට්,යළිත් දිස්ත්‍රික් මැතිවරණ කාර්යල වෙත රැගෙන යාමද ආරම්භ කර තිබෙන බව තැපැල් දෙපාර්තමේන්තුව සඳහන් කරයි.
විශේෂ ආරක්ෂාවක් යටතේයි එම කටයුතු සිදුවන්නේ.
මේ අතර තැපැල් ජන භාවිතයද ඉහළ අගයක් ගෙන තිබෙන අතර එය 80%ක් පමණ වී ඇති බව සඳහන්.
එමෙන්ම ජනාධිපතිවරණයේ තැපැල් ඡන්ද ප්‍රකාශ කිරීමේ දින තුනම අවසන් වී ඇති නමුත් එම දිනයන්හිදී සිය ඡන්දය ප්‍රකාශ කිරීමට නොහැකි වූ රාජ්‍ය සේවකයන්ට ලබන 11 වැනිදා අහ 12 වැනිදා ජන්දය ප්‍රකාශ කිරීමට අවස්ථාව සලසා තිබේ.
ආශිකා බ්‍රාහ්මණ
