සාමාන්‍යයෙන් මැතිවරණවලදී ‘තරුණ උපනති සකස්කරන්නන්’ (young trend-setters) විසින් එම චන්දයේ දිශානතිය තෝරනවා කියල පොදු පිළිගැනීමක් තියනවා. ඇමෙරිකාවේ බැරක් ඔබාමා දිනනකොට ඒ චන්දෙ පිටිපස්සේ මේ තරුණ උපනතිය තිබ්බ. බිල් ක්ලින්ටන්ටත් මේ නැඹුරුව තමන්ගේ පැත්තට හරවා ගන්න පුළුවන් උනා.
මේ තරුණ ප්‍රජාව තමන් වෙත දිනාගන්න කොට ඔබාමාගේ වයස 47ක් උනා සහ ක්ලින්ටන්ගේ වයසත් (46) තරමක් ඒ හා සමාන උනා. ජස්ටින් ට්‍රුඩෝ පත්වෙන කොට වයස 52. ජසින්ඩා 37යි.
තව සති දෙකකින් ලංකාවේ යෙදෙන දැවැන්ත ජනාධිපතිවරණයේ චන්ද උපනතිය තීරණය කිරීමේදී මේ තරුණ ජනකොටසේ බලපෑම තවමත් මනින්න බැහැ වගේම එයාල දිනාගන්න තරමක බැරෑරුම් වැඩසටහනක් කාටවත් ඇතිබවක් පේන්නෙත් නැහැ. මේක මම මීට කලිනුත් කියල තියනවා.
මට හිතෙන්නේ ලංකාවේ ඉතාම තීරණාත්මක දේශපාලන දිගහැරීමක් වෙච්ච අරගලය වෙනුවෙන් සහභාගී වෙච්ච තරුණ ප්‍රජාව (වයස 20-30 අතර) එයාලගේ දෙමව්පියන් වෙනස් කරන්න හදනවා වෙන්න පුළුවන්.
එහෙම නැත්නම් තරුණ ප්‍රජාවේ උපනතිය මොකක් උනත් ලංකාවේ දකුණ අරගලයේ අභිලාශ එක්ක තවදුරටත් තමන්ගේ මුහුණුවර වෙනස්කර ගනිමින් තරුණ වැඩිහිටි දෙකම එක්ක ඉදිරියට යනවා වෙන්නත් පුළුවන්.
කොහොමත් අරගලයෙන් පස්සේ දේශපාලනය අපි හැමෝටම වෙනස්. අපි හැමෝම වෙනස්. 22 උදේ වෙනකොට ඒක අපි හැමෝටම තේරෙයි.
අරගලය එක්ක හමාගිය දේශපාලන සුළගේ සමාජ බලපෑම තේරෙන්නේ 22දාට.
ප්‍රථම වතාවට දේශපාලනය විසින් මිනිස්සු පාවිච්චි කිරීම වෙනුවට මිනිස්සු විසින් දේශපාලනය පාවිච්චි කරන්න පටන්ගනීවි.
~ මහේෂ් හපුගොඩ
RN
