කොළඹ LNW:නේපාලයේ අන්තර්කාලීන අගමැති ලෙස පත්වූ සුෂිලා කාර්කි එරට පාර්ලිමේන්තුව විසුරුවා හැර තිබේ.
හිටපු අගවිනිසුරුවරියක වූ ඇය නේපාලයේ පළමු කාන්තා අගමැති ලෙස ඊයේ (12) රාත්‍රියේ දිවුරුම් දුන් අතර ගිනිගත් නේපාලය ගොඩනැගීමේ වගකීම වෙනුවෙන් නායකත්වය දීමේ වගකීම ඇය වෙත පැවරී ඇත.
නේපාල පාර්ලිමේන්තු මැතිවරණය එළැඹෙන වසරේ මාර්තු 21වනදා පැවැත්වීමට නියමිතයි.
මැතිවරණය පැවැත්වෙන තෙක් මාස 6ක කාලයක් සඳහා පත්කළ එරට කැබිනට් මණ්ඩලය ද අද (13) දිවුරුම්දීමට නියමිතව බවද විදෙස් මාධ්‍ය වාර්තා කරයි.
නේපාලයේ Gen Z විරෝධතාකරුවන් සහ ජනාධිපතිවරයා සහ ප්‍රධාන හමුදා නිලධාරියා අතර ඇති වූ එකඟතාවකින් අනතුරුව සුෂිලා කාර්කි අගමැති ලෙස පත් කිරීමට කටයුතු කර තිබුණි.
ආශිකා බ්‍රාහ්මණ
