2015 ජනාධිපතිවරණ ප්‍රචාරක කටයුතුවල නිරතව සිටියදී රත්නපුර කහවත්ත ප්‍රදේශයේදී එජාප පාක්ෂිකයෙකු වෙඩිතබා ඝාතනය කළ අතර ඒ සම්බන්ධයෙන් චෝදනා එල්ල වූයේ අද රාජ්‍ය ඇමතිවරයෙකු ලෙස කටයුතු කරන චොකා මල්ලි නොහොත් ප්‍රේමලාල් ජයසේකර මහතාටයි.
අදාල චෝදනාව සම්බන්ධයෙන් වැරදිකරු වූ ජයසේකර මහතාට රත්නපුර මහාධිකරණය මගින් මරණ දඬුවම නියම කළ අතර කෙසේ නමුත් ශ්‍රේෂ්ඨාධිකරණය මගින් එකී තීන්දුව නිෂ්ප්‍රභ කෙරිණි.
ප්‍රේමලාල් ජයසේකර මහතාට රාජ්‍ය ඇමති ධුරයක් ලබාදීම සම්බන්ධයෙන් විප්කෂ නායක කාර්යාලයේ පැවති මාධ්‍ය හමුවකදී හිටපු පාර්ලිමේන්තු මන්ත්‍රී හිරුණිකා ප්‍රේමචන්ද්‍ර මහත්මිය අදහස් පළ කළාය.
ප්‍රේමලාල් ජයසේකර මහතා වෙත රාජ්‍ය ඇමති ධුරය පිරිනමද්දී ජනාධිපති රනිල් වික්‍රමසිංහ මහතාට 2015 දී ඝාතනය කළ දොඩම්ගොඩ මහතාගේ මුහුණ සිහිපත් නොවූයේදැයි හිරුණිකා ප්‍රේමචන්ද්‍ර මහත්මිය විමසා සිටිනවා. අවම වශයෙන් ඔහුගේ බිරිඳගේ හෝ දරුවන්ගේ හෝ මුහුණ මතක් වූයේදැයි ඇය වැඩිදුරටත් ප්‍රකාශ කරනවා.
UN
