සටහන: සශිකලා මධුෂාණි
සැප්තැම්බර් 17; ලෝකය(අවුට්බවුන්ඩ් ටුඩේ) : ඉරානයේ උත්තරීතර නායක අයතුල්ලා අලි කමෙනි විසින් සුළු ජාතින් සම්බන්ධයෙන් සිය සමාජ මාධ්‍යයේ තබන ලද සටහනක් ඉන්දියාවේ කෝපයට හේතුවී තිබේ.
එනම්’ “මියන්මාරයේ, ගාසා තීරයේ, ඉන්දියාවේ හෝ වෙනත් ඕනෑම ස්ථානයක මුස්ලිම්වරයෙකු විඳින දුක් වේදනා ගැන අප නොසැලකිලිමත් නම් අපට අපව මුස්ලිම්වරුන් ලෙස සැලකිය නොහැක” යනුවෙන් සමාජ මධ්‍යයේ තබන ලද සටහන හේතුවෙන් ඉන්දියාව සිය කෝපය ප්‍රකාශ කර ඇති අතර මේ සම්බන්ධයෙන් විශේෂ ප්‍රක්ෂයක් නිකුත් කරමින් ඉන්දියාවේ විදේශ කටයුතු අමාත්‍යාංශය සඳහන් කර තිබුණේ, “වැරදි තොරතුරු සහ පිළිගත නොහැකි බවත් සුළු ජාතින් සම්බන්ධයෙන් සාකච්ජා කිරීමට ප්‍රථම සිය වාර්තාව දෙස බැලිය යුතු බවත්ය.
ඉන්දියාව සහ ඉරානය සාමාන්‍යයෙන් සමීප සබඳතවක් දක්නට ලැබෙන අතර මේ වන විට ඉන්දියාව මැයි මාසයේදී ඔවුන් ඉරානයේ ගිනිකොනදිග වෙරළ තීරයේ ඉරාන වරාය වන චබහාර් සංවර්ධනය කිරීම සහ ක්‍රියාත්මක කිරීම සඳහා වසර 10 ක කොන්ත්‍රාත්තුවක් අත්සන් කර ඇත.
කෙසේ නමුත්, මානව හිමිකම් සංවිධාන චෝදනා කරන්නේ 2014 වසරේ අග්‍රාමාත්‍ය ධුරයට පත් වූ නරේන්ද්‍ර මෝදි අග්‍රාමාත්‍යවරයා යටතේ මුස්ලිම් ජනතාවට සිදුවන අසාධාරණකම් ඉහළ ගොස් ඇති බවත්, එතැන් සිට, රට මුස්ලිම්වරුන්ට සහ ඔවුන්ගේ ජීවනෝපායට එරෙහි ප්‍රහාර, වෛරී ප්‍රකාශ පිළිබඳ වාර්තා ද වර්ධනය වී ඇති බවයි.
එමෙන්ම මෑතකදී ඉන්දියාවේ අනුමත වූ විශේෂ නීතියකට අනුව, 2014 දෙසැම්බර් 31 ට පෙර මුස්ලිම්වරු හැර ඇෆ්ගනිස්ථානය, බංග්ලාදේශය සහ පකිස්ථානයෙන් හින්දු බහුතරයක් සිටින ඉන්දියාවට පලා ගිය හින්දු, පාර්සි, සීක්, බෞද්ධ, ජෛන සහ ක්‍රිස්තියානුවන් පුරවැසිභාවය සඳහා සුදුසුකම් ලබනු ඇති බව ඉන්දීය රජය විසින් පිළිගැනීමත් සමඟ මුස්ලිම්වරුට වෙනස්කොට සැලකීම සම්බන්ධයෙන් අගමැති මොදිගේ රජය විවේචනයට ලක් වේ.
