සටහන – රුවන් නෙළුගොල්ල
1988 අංක 40 දරණ ඔට්ටු ඇල්ලීමේ සහ සූදු බදු පනත සංශෝධනය කිරීම සඳහා නීති කෙටුම්පත් සම්පාදකවරයා විසින් සකස් කර ඇති පනත් කෙටුම්පත පාර්ලිමේන්තුවට ඉදිරිපත් කිරීමට කැබිනට් මණ්ඩලයේ අනුමැතිය හිමිව තිබේ.
“1988 අංක 40 දරණ ඔට්ටු ඇල්ලීමේ සහ සූදු බදු පනත සංශෝධනය කිරීම : රාජ්‍ය ආදායම ඉහළ නංවාගැනීම පිණිස 2025 අයවැය යෝජනා මගින් පහත සඳහන් යෝජනා ඉදිරිපත් කර තිබුණා.
දළ එකතුව මත බද්ද 15% සිට 18% දක්වා ඉහළ නැංවීම
ශ්‍රී ලාංකික පුරවැසියන් සඳහා පනවා ඇති කැසිනෝ ඇතුළුවීමේ බද්ද ඇමරිකන් ඩොලර් 50 සිට 100 දක්වා ඉහළ නැංවීම
ඒ අනුව එම යෝජනා ක්‍රියාත්මක කිරීමට හැකිවන පරිදි 1988 අංක 40 දරණ ඔට්ටු ඇල්ලීමේ සහ සූදු බදු පනත සංශෝධනය කිරීම පිණිස නීති කෙටුම්පත් සම්පාදක විසින් පනත් කෙටුම්පතක් සකස් කරලා තියෙනවා. එම පනත් කෙටුම්පත සඳහා නීතිපති නිෂ්කාශනය ලැබිලා තියෙනවා. එම පනත් කෙටුම්පත රජයේ ගැසට් පත්‍රයේ පළකිරීමටත් ඉන් අනතුරුව අනුමැතිය සඳහා පාර්ලිමේන්තුවට ඉදිරිපත් කිරීමටත් මුදල්, ක්‍රම සම්පාදන හා ආර්ථික සංවර්ධන ඇමතිතුමා හැටියට ජනාධිපතිතුමා ඉදිරිපත් කළ යෝජනාවට අමාත්‍ය මණ්ඩලය අනුමැතිය ලබාදුන්නා”
කැබිනට් ප්‍රකාශයක, අමාත්‍ය නලින්ද ජයතිස්ස මහතා මේ බව පැවසුවේ ඊයේ (16) පැවති කැබිනට් තීරණ දැනුම් දීමේ මාධ්‍ය හමුව අමතමිනි.
