රෂිකා හෙන්නායක සැප්තැම්බර් 18, කොළඹ LNW :
අද (18) දින සබරගමුව පළාත් හිටපු මහාමාර්ග හා ක්රීඩා අමාත්ය අතුල කුමාර රාහුබද්ධ මහතා ඔක්තෝබර් 02 වනදා දක්වා රක්ෂිත බන්ධනාගාරගත කිරීමට ඇඹිලිපිටිය මහෙස්ත්රාත් අධිකරණය නියෝග කළ බව වාර්තා වේ.
ඔහු ඊයේ (17) අපරාධ පරීක්ෂණ දෙපාර්තමේන්තුවේ මූල්ය හා වාණිජ අපරාධ විමර්ශන කොට්ඨාසය මගින් අත්අඩංගුවට ගෙන තිබුණේ, 2016 – 2017 කාලවකවානුවේ ඔහුගේ අමාත්යාංශය යටතේ ක්රියාත්මක කළ ව්යාපෘති කිහිපයක සිදුවූ බව කියන මූල්ය අක්රමිකතාවලට අදාළවයි. සැකකරු අද අධිකරණයට ඉදිරිපත් කළ අවස්ථාවේ , අදාළ කාලසීමාව තුළ දියත් කළ ව්යාපෘති 77ක් අතුරින් ව්යාපෘති 15කට අදාළව මුදල් වැයකර තිබුණත් අදාළ ව්යාපෘති ක්රියාත්මක වී නොමැති බව අපරාධ පරීක්ෂණ දෙපාර්තමේන්තුවේ නිලධාරින්, අධිකරණය හමුවේ කියා සිට ඇත.පසුව රුපියල් කෝටි 7ක මුදලක් රජයට පාඩුවන අන්දමින් වංචනිකව පරිහරණය කිරීමේ චෝදනාවට අදාළව ඉදිරිපත් වූ කරුණු සලකා බැලූ මහෙස්ත්රාත්වරයා සැකකරු මෙලෙස රක්ෂිත බන්ධනාගාරගත කිරීමට නියෝග කළ බව වාර්තා වේ.
