කොළඹ LNW:ශ්රී ලංකා පොදුජන පෙරමුණේ තීරණයට එරෙහිව යමින් ක්රියා කළ පක්ෂයේ ජාතික කැඳවුම්කරු පාර්ලිමේන්තු මන්ත්රී රෝහිත අබේගුණවර්ධන, භාණ්ඩාගාරික වනජීවී හා වන සම්පත් සංරක්ෂණ සහ වාරිමාර්ග අමාත්ය පවිත්රා වන්නිආරච්චි සහ පාර්ලිමේන්තු මන්ත්රී එස්.එම්.චන්ද්රසේන යන අයගේ පක්ෂ සාමාජිකත්ව අහෝසි කරමින් පක්ෂයේ තනතුරු වලින් ඉවත් කිරීමට තීරණය කර තිබේ.
ඒ අනුව ශ්රී ලංකා පොදුජන පෙරමුණේ ප්රධාන ලේකම් පාර්ලිමේන්තු මන්ත්රී නීතිඥ සාගර කාරියවසම් මහතාගේ අත්සනින් යුතුව එම දැනුම් දීමේ ලිපි නිකුත් කර තිබේ.
පසුගිය ජූලි 29 වැනි දින පැවැත්වූ පක්ෂයේ දේශපාලන මණ්ඩලයේ තීරණයට පිටින් යමින් ජනාධිපති රනිල් වික්රමසිංහ මහතාට සහය දැක්වීම මතයි ඔවුන් සම්බන්ධයෙන් උක්ත තීරණයට පක්ෂය එළඹ ඇත්තේ.
පක්ෂයේ තීරණයට එරෙහිව යමින් ක්රියාකර තිබෙන සෙසු මැති ඇමතිවරුන් සම්බන්ධයෙන් ද ඉදිරි දිනවලදී අදාළ විනය ක්රියාමාර්ග ගැනීමට නියමිත බව ද සඳහන්.
ආශිකා බ්රාහ්මණ
