කොළඹ LNW:රට ගොඩනැගීමේ කාර්ය වෙනුවෙන් ජනතාව සහය දී තිබෙන අතර දේශපාලඥයින්ගේ කුමක් කරාවිද යන්න නොදන්නා නමුත් ඔවුන්ට ඔවුන්ගේ දේශපාලන කිරීමට ඉඩ තිබෙන අතර ජනතා සහය ප්රමාණවත් බව 09 වෙනි විධායක ජනාධිපති ලෙස පත් වූ අනුර කුමාර දිසානායක මහතා පැවසුවේය.
”අපි හිතනවා රට වෙනස් කිරීමේ මාවතට රට හරවන්න පුළුවන්. ස්ථාවර රාජ්යයක් හදන්න පුළුවන්. ආර්ථික වශයෙන් ශක්තිමත් රාජ්යයක් අපිට ගොඩනගන්න පුළුවන්. ජනතාවත් ඒකාබද්ධ කරගෙන ඉස්සරහට යන්න පුළුවන්.”
සෙසු දේශපාලකයින්ගේ සහය ලැබේවිද යන්න කළ විමසීමට පිළිතුරු දෙමින් දිසානායක මහතා සඳහන් කළේ ”ජනතාව අපට සහය දීලා තිබෙනවා. එය ප්රමාණවත්. ඒගොල්ලෝ මොනවා කරයිද දන්නේ නැහැ. ඒගොල්ලන්ට අයිතිය තියෙනවා ඔවුන්ගේ දේශපාලනය කරන්න” යනුවෙනි.
මේ අතර ජනාධිපති ධූරය යනු තනතුරක් නොව වගකීම් බවත් දීර්ඝ කාලයක් දේශපාලනයේ නිරත වුණේ රටටත් ජනතාවටත් වැඩ හොද ජීවන තත්ත්වයක් ගොඩනැගීමේ අරමුණින් බවත් එම අරමුණ සාර්ථක කරගෙන ඉදිරියට යාම අපේක්ෂාව බවත ඔහු සඳහන් කරන ලදී.
එමෙන්ම රට ගොඩනැගීමේ කාර්යයට ජනතාව ලෙස සියලු දෙනා එක්වන ලෙසත් අනුර දිසානායක මහතා ආරාධනා කළේය.
ආශිකා බ්රාහ්මණ
