නිශ්මං රණසිංහ සැප්තැම්බර් 25, කොළඹ LNW:
කොළඹ නගරයේ තරු පංති හෝටල්වල භෝජන සංග්‍රහ අතරට වැටෙන අලුත් අත්දැකීමක භෝජන සංග්‍රහයක් හැටියට නෙළුම් කුළුණේ කැරකෙන අවන්හලේ භෝජන සංග්‍රහය හැඳින්විය හැකිය.කෑම වර්ග 300 ක් එහිදී ඔබේ රස වින්දනය වෙනුවෙන් සූදානම්ව තිබෙන අතර එක් අයෙකුට වියදම් වන්නේ රුපියල් 9000 ක් පමණි.
රුපියල් 9000 කි න් විවිධ සංස්කෘතීන්ට අනුව ගැලපෙන ආහාර වර්ග මෙන්ම අතුරුපස ද එකතුව 300 ක් වෙද්දී ඒ රස කැමති විදිහට විඳන අතරේ ඔබට ලැබෙන ආහාර රසය දෙගුණ තෙගුණ වන්නේ එය මුළු කොළඹම ඉහළ සිට දැකිය හැකි වීමයි.එක පෙදෙසක් ස්ථානයක් නොවී එය මුළු කොළඹම වන්නේ ඔබ ආහාර ගනිමින් සිටින තැන කැරකෙමින් පවතින නිසයි.
විනාඩි කිහිපයක ඔබට පේන කොළඹ වෙනස් වෙමින් හිතත් රසවත් කර ගනිමින්,මුවත් රසයෙන් පුරවාගත හැකි අත්දැකීමකට පිවිසෙන්නට කොළඹට පැමිණ හොඳ ආහාර වේලක් රස විඳින්නට අපේක්ෂා කරන්න විදේශිය සංචාරකයින්ට පමණක් නොව දේශිය සංචාරකයන්ටත් නෙළුම් කුළුණ අවන්හල හොඳ අවස්ථාවක් උදා කර ඇත.
ඇවිද ඇවිද කෑම හොඳ පුරුද්දක් නොවේ.ඒත් කෑම ඔබ සම්මුඛව තබා, ඔබව අසුනකට බර කොට නිසොල්මනේ ඔබට ආහාර රසය උපරිමයෙන් විඳින්නට ඉඩ දී ඔබට මුළු කොළඹම දැක ගත හැකි අවස්ථාවක් ලැබේනම් ඔබ ඒ වෙහෙසකර නොවන සංචාරයට අකමැති නොවනු ඇත.
