සටහන: සශිකලා මධුෂාණි
සැප්තැම්බර් 25: ලෝකය(අවුට්බවුන්ඩ් ටුඩේ) : ලිබියානු නායක කර්නල් මුවම්මර් ගඩාෆිගෙන් යුරෝ මිලියන ගණනක නීති විරෝධී අරමුදල් ලබා ගැනීම හා සම්බන්ධ නඩුවකදී සාපරාධී කුමන්ත්රණයකට වරදකරු වූ හිටපු ප්රංශ ජනාධිපති නිකොලස් සාකෝසිට වසර පහක සිර දඬුවමක් හා යුරෝ 100,000 (ඩොලර් 117,000, පවුම් 87,000) ක දඩයක් නියම කර ඇති බව වාර්තා වේ.
මේ වන විට 70 වියේ පසුවන සාකෝසි 2007-12 කාලය තුළ ප්රංශයෙන් ජනාධිපති ධුරය දරා ඇති අතර ඔහු මෙම නඩුව සම්බන්ධයෙන් සඳහන් කර තිබුණේ, නඩුව දේශපාලනික වශයෙන් අභිප්රේරණය වී ඇති බවත්, තමා විසින් මේ නඩුව සම්බන්ධයෙන් අභියාචනයක් ඉදිරිපත් කළත් ඔහුට සිරගතව සිටීමට සිදුවන බවත්ය.
2012 දී නැවත තේරී පත්වීමේ උත්සාහය පරාජයට පත්වීමෙන් පසු, සාර්කෝසි අපරාධ පරීක්ෂණ කිහිපයකට මුහුණ දුන් අතර එහිදී 2012 දී ඔහුගේ නැවත මැතිවරණ ව්යාපාරය සඳහා අධික ලෙස වියදම් කිරීම සහ එය වසන් කිරීම සඳහා මහජන සම්බන්ධතා සමාගමක් කුලියට ගැනීම සම්බන්ධයෙන් ඔහු වරදකරු බව ඔප්පුවිය. 2024 පෙබරවාරි මාසයේ අධිකරණ තීන්දුවකට එරෙහිව ද ඔහු අභියාචනයක් ඉදිරිපත් කළේය. ඔහුට වසරක සිර දඬුවමක් නියම කරන ලද අතර, ඉන් මාස හයක් අත්හිටුවන ලදී.
2021 දී, 2014 දී විනිසුරුවරයෙකුට අල්ලස් දීමට උත්සාහ කිරීම සම්බන්ධයෙන් ඔහු වැරදිකරු වූ අතර සාකෝසි භාරකාර දඬුවමක් ලැබූ පළමු හිටපු ප්රංශ ජනාධිපතිවරයා බවට පත්විය.
