කොළඹ ප්‍රදේශ රැසක් අධි ආරක්ෂිත කලාප වශයෙන් නම් කරමින් ජනාධිපති රනිල් වික්‍රමසිංහ මහතා විසින් නිකුත් කර ඇති අතිවිශේෂ ගැසට්ටුව සම්බන්ධයෙන් ශ්‍රී ලංකා නීතීඥ සංගමය සිය ස්ථාවරය ප්‍රකාශ කර තිබේ.
රාජ්‍ය රහස් පනත භාවිතා කරමින් මෙසේ අධි ආරක්ෂිත කලාප නම් කිරීම ඔස්සේ රටේ ජනතාවගේ අදහස් ප්‍රකාශ කිරීමේ අයිතිය, සාමකාමීව රැස්වීමේ අයිතිය ඇතුළු අයිතීන් උල්ලංඝනය වන බවයි ඔවුන් පෙන්වා දෙන්නේ.
එසේම රාජ්‍ය රහස් පනත භාවිතා කරමින් අධි ආරක්ෂිත කලාප නම් කිරීමට ජනාධිපතිවරයාට බලයක් නොමැති බවත් එම සංගමය සඳහන් කරයි.
ඒ අනුව ජනතාවගේ මූලික අයිතිවාසිකම් ආරක්ෂා කරගැනීම සඳහා මෙම ගැසට් නිවේදනයට එරෙහිව ඉදිරියේදී නීතිමය ක්‍රියාමාර්ග ගැනීමට කටයුතු කරන බවයි ශ්‍රී ලංකා නීතීඥ සංගමය නිවේදනය කරන්නේ.
RN
