අත්අඩංගුවට ගෙන අධිකරණයට ඉදිරිපත් කරන ලෙස වරෙන්තු නිකුත් කෙරුණු කෝටිපති ව්‍යාපාරික අශෝක් පතිරගේ ඇතුළු ආසිරි පෞද්ගලික රෝහලේ අධ්‍යක්ෂ මණ්ඩලය මේ වනවිට මාලිගාකන්ද මහේස්ත්‍රාත් අධිකරණයට පැමිණ ඇති බව වාර්තා වේ.
ඒ, තමන්ට එරෙහිව නිකුත් කර ඇති වරෙන්තුව ආපසු කැඳවන ලෙස ඉල්ලා සිටීම සඳහා ය.
නේවාසික රෝගියෙකුට වැඩි මිලට ඖෂධ අලෙවිකිරීමේ සිද්ධියක් සම්බන්ධයෙන් විභාග කෙරෙන නඩුවක් සඳහා අධිකරණයට පැමිණෙන ලෙස සිතාසි නිකුත් කර තිබියදී ආසිරි පෞද්ගලික රෝහලේ අධ්‍යක්ෂ මණ්ඩලය අධිකරණයට නොපැමිණීම හේතුවෙන් ඔවුන්ව වහාම අත්අඩංගුවට ගෙන අධිකරණයට ඉදිරිපත් කරන ලෙස මාලිගාකන්ද මහේස්ත්‍රාත් ජනිතා රෝෂනී පෙරේරා මහත්මිය ඊයේ (25) දිනයේදී වරෙන්තු නිකුත් කර තිබිණි.
