ඉන්ධන මිලදී ගැනීමේදී ඊට අදාල මුදල් රාජ්ය බැංකුවල ඛනිජ තෙල් සංස්ථාවට අයත් ගිණුම් වෙත බැර කිරීමෙන් වැළකී සිටින ලෙස ඛනිජ තෙල් නීතිගත සංස්ථාව ඉන්ධන පිරවුම්හල් හිමියන් වෙත දැනුම් දී තිබෙනවා. රාජ්ය බැංකුවලට අමතරව තවත් පෞද්ගලික බැංකු 07 කටද මුදල් බැර නොකරන ලෙසයි සංස්ථාව දැනුම් දී තිබෙන්නේ.
ඛනිජ තෙල් සංස්ථාව වාණිජ්ය බැංකු මගින් ලබාගෙන ඇති ණය මුදල් නිසිලෙස පියවීමට කටයුතු නොකිරීම හේතුවෙන්, අදාල බැංකුවල ඛනිජ තෙල් නීතිගත සංස්ථාවේ නමට ඇති ගිණුම්වලට බැරවල මුදල් ණය වාරික සඳහා කපා ගැනීමේ අවදානමක් මතුව තිබෙනවා.
මෙම දැනුම්දීම හේතුවෙන් ඉන්ධන පිරවුම්හල් හිමියන් දැඩි අර්බුදයකට මුහුණ දී සිටී. වසර ගණනාවක් පුරා ඉන්ධන සඳහා මුදල් ගනුදෙනු සිදු කිරීමේදී එකම බැංකුවක් සමග එම ගනුදෙනු සිදුකළ පිරවුම්හල් හිමියන්ට සංස්ථාවේ නව තීරණය හේතුවෙන් වෙනත් විකල්ප කරා යොමුවීමට සිදුව තිබෙනවා. ලක්ෂ ගණනින් සිදු කරන එම ගනුදෙනුවලදී භාවිතා කරන විකල්ප කෙතරම් ආරක්ෂිතද යන්න ඔවුන් ප්රශ්න කර සිටී.
සංස්ථාවේ මුල්ය කටයුතු පාලනය කරගැනීමට අසමත් නිළධාරීන් හේතුවෙන් තමන් දැඩි අපහසුතාවයට පත්ව සිටින බව ඉන්ධන පිරවුම්හල් හිමියන් සඳහන් කරනවා.
UN
