සටහන – රෂිකා හෙන්නායක
කොළඹ (LNW): ත්‍රිකුණාමලය අධිකරණය විසින් තිලීපන් සැමරුම් උත්සවය තහනම් කරමින් නියෝගයක් නිකුත් කර ඇති අතර, අදාළ නියෝගයේ දැක්වෙන්නේ අද (26) ත්‍රිකුණාමලය වරාය පොලිස් වසමේ කූල කොට්ටන් ශාලාව, ගාන්ධි වටරවුම හා ත්‍රිකුණාමලය පොලිස් වසම තුළ තිලීපන් සැමරුම් උත්සවයක්, උද්ඝෝෂණයක්, පෙළපාළියක් හෝ විරෝධතාවයක් නොකරන ලෙසයි.
ත්‍රිකුණාමලය දෙමළ සංසදයේ සභාපති ආර් එෆ් ජෙරම්, ත්‍රිකුණාමලය දෙමළ ජාතික සංසදයේ කමිටු සාමාජික රමේෂ් නිකලස්, මුතූර් ආබාධිත සංසදයේ සභාපති සුහිර්ද ප්‍රියා, ත්‍රිකුණාමලය ජනතා පෙරමුණේ තරුණ සංගමයේ සභාපති ක්‍රිෂ්ණ පිල්ලේ ශ්‍රී ප්‍රසාත්, මුතූර් මහවිරු කමිටුවේ සභාපති කන්දයියා කාන්දීපන් නොහොත් පම්පරසන්, කාර්තික් කල්කිරියන් හා ඔවුන් විසින් පෙනී සිටින නියෝජිතයින් වෙත මෙලෙස අධිකරණ ආඥාවක් නිකුත් කර ඇති අතර,මෙම නියෝගය නිකුත් කර ඇත්තේ, ත්‍රිකුණාමලය වරාය පොලීසිය අධිකරණය වෙත කළ දැනුම්දීමකට අනුවයි.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
