*
දේශීය පුවත් විස්තරය: සාරාංශය 09/27
- යෝජිත ණය ප්‍රතිව්‍යුහගත කිරීමේ ක්‍රියාවලිය පිළිතුරු වෙනුවට තවත් ප්‍රශ්න නිර්මාණය කරනු ඇති බව හිටපු මහ බැංකු නියෝජ්‍ය අධිපති ඩබ්.ඒ. විජේවර්ධන පවසයි – මෙම ක්‍රියාවලිය අවුල් කළ හැකි හෝ ප්‍රමාද කළ හැකි බරපතල ගැටළු පිළිබඳව අනතුරු ඇඟවීමක් ද කරයි.
- අධි ආරක්ෂිත කලාප රෙගුලාසිවලට මාධ්‍යවේදීන්ගේ සංගම් අභියෝග කරයි. – “අත්තනෝමතික” නීතිවලට අවනත නොවන බව ද පවසා සිටියි.
- ජනාධිපති රනිල් වික්‍රමසිංහ, ජපානයේ විදේශ අමාත්‍ය යොෂිමාසා හයාෂි සහ සිංගප්පූරු අගමැති ලී සියෙන් ලූං සමඟ ටෝකියෝ නුවරදී ද්විපාර්ශ්වික සාකච්ඡා පවත්වයි – මෙම සාකච්ඡා පවත්වා ඇත්තේ වෙනවෙනම අවස්ථා දෙකකදී ය.
- 2022 අග භාගයේ දී, අපනයන ඇණවුම් මත ශ්‍රී ලංකා ආර්ථිකයේ අපේක්ෂිත අර්බුදය පිළිබඳ අපනයනකරුවන් වැඩි වැඩියෙන් සැලකිලිමත් වන බව නවතම ද්වි-වාර්ෂික අපනයන සමීක්ෂණයකින් හෙළිවෙයි – තීව්‍ර වන ආර්ථික අර්බුදය හමුවේ කුඩා හා මධ්‍ය පරිමාණ ව්‍යවසායන් විශේෂයෙන් අසරණ වන බව අනාවරණය කරයි.
- ශ්‍රී ලංකාව බංකොලොත් වී ඇති බවත්, ණය හිමියන්ට ණය ගෙවීමට හෝ රටට අවශ්‍ය දේ ආනයනය කිරීමට නොහැකි බවත් සමඟි ජන බලවේගයේ ‘ආර්ථික ගුරු’ පාර්ලිමේන්තු මන්ත්‍රී හර්ෂ ද සිල්වා ප්‍රකාශ කරයි. – උද්ධමනය දැවැන්ත වී ආර්ථිකය පහත වැටෙමින් පවතින බව ද පවසයි – ස්වෛරී ණය පැහැර හැරීම, සහ දේශීය මුදල් ඒකකය අවප්‍රමාණය කර ජාත්‍යන්තර මූල්‍ය අරමුදලේ වැඩසටහනකට ඇතුලු වීම මෙහෙයවීමට නායකත්වය දුන්නේ ඔහු බව ද මෙහි දී සිහිපත් කළ යුතුය.
- විදේශ ඇමති මොහොමඩ් අලි සබ්‍රි සහ චීන විදේශ අමාත්‍ය වැන්ග් බටහිර බලවතුන් හෑල්ලු කරති. – බටහිර රටවල් ගෙනහැර පාන “ණය උගුල්” තර්කය ද්වේශසහගත බව පවසමින් බැහැර කරති. – මීට ඉහත දී, ශ්‍රී ලංකාව සිය ණය ගෙවීම් පැහැර හැර ජාත්‍යන්තර මූල්‍ය අරමුදල සමග ගිවිසුමක් අපේක්ෂා කිරීමට කටයුතු කිරීම ගැන චීනය සිය කළකිරීම ප්‍රකාශ කර තිබිණි.
- තරුණ මවක් දින 7ක් වයසැති තම බිළිඳා රුපියල් 50,000කට විකුණා දමයි! – ඈ ද ඇතුළුව මෙම ගනුදෙනුවට පහසුකම් සැපයූ අනුරාධපුර රජයේ රෝහලක හෙදියකගේ සැමියා අත්අඩංගුවට.
- කොළඹ ප්‍රදේශ කිහිපයක් අධි ආරක්ෂිත කලාප ලෙස ප්‍රකාශයට පත් කිරීම සුදුසු නොවන බව හිටපු ජනාධිපති මෛත්‍රීපාල සිරිසේන පවසයි. – ජනතාව කායිකව හා මානසිකව පීඩාවට පත්ව සිටින බැවින් එය තවත් ජනතා අරගලයක නැගිටීමකට මග පෑදිය හැකි බව අනතුරු අඟවයි.
- ඉකුත් දිනක ආනයනය කරන ලද බොරතෙල් තොගයක තත්ත්වය සම්මත ප්‍රමිතීන් හෝ සංයුතින්ට අනුකූල නොවන බව මහජන උපයෝගිතා කොමිෂන් සභාවේ සභාපති ජානක රත්නායක පවසයි. – ලංකා ඛනිජ තෙල් නීතිගත සංස්ථාව ඔහුගේ මතය ප්‍රතික්ෂේප කරයි.
- පච්ඡ (ටැටූ) කලාව කරන ස්ථාන සහ පච්ඡ කරන්නන් නියාමනය කරන ලෙස මහජන සෞඛ්‍ය පරීක්ෂකවරු සෞඛ්‍ය බලධාරීන්ගෙන් ඉල්ලා සිටිති. – පච්ඡ කෙටීමට භාවිතා කරන “ඉඳිකටුව” පිළිබඳ ප්‍රමාණවත් පුහුණුවක් නොමැති පුද්ගලයන්ගෙන් අනතුරු සිදුවිය හැකි බව පෙන්වා දෙති.
