වසර හතරකින් නඩත්තු කටයුතු කිරීමට තිබුණු ජනක යන්ත්‍ර වසර අටක් ගතවනතුරුත් එය සිදුකිරීමට නොහැකි වීම තුළ ඒවා බිඳ වැටීම සිදුවන බව ලංකා විදුලි ඉංජිනේරු සංගමය පවසයි.
නොරොච්චෝලේ ජනක යන්ත්‍රයක් බිඳ වැටීම ගැන මාධ්‍යයට කරුණු පැහැදිලි කරමිනුයි ලංකා විදුලි ඉංජිනේරු සංගමයේ සභාපති සෞම්‍ය කුමාරවඩු මහතා මේ බව සඳහන් කළේ.
මේ වන විට බිඳ වැටි ඇත්තේ 2018 වසරේදී දින 90ක නඩත්තුවක් කිරීමට තිබූ ජනක යන්ත්‍රයක් බවයි ඔහු කියා සිටියේ.
මෙලෙස බිඳ වැටීම් සිදුවන විට විදුලි කප්පාදු කිරීමට සිදුවන්නේ සැලසුම් අනුව බලාගාර ඉදිනොවීම බවද කුමාරවඩු මහතා සඳහන් කළේය.
ක්ෂේත්‍රවල සිටින විද්වතුන්ගේ සැලසුම් අනුව ක්‍රියාත්මක නොවී ජනාධිපතිවරු පැමිණ ප්‍රතිපත්ති මාරු කරමින් හදමින් තිබුණ බලාගාර නැවත්වීම කරන්නේ නම් ජනක යන්ත්‍ර කැඩුණු විට ක්‍රියාත්මක වීමට බලාගාර නොමැති වීම සිදුවන දෙයක් බවද හෙතෙම ප්‍රකාශ කළේය.
ASK
