රෂිකා හෙන්නායක සැප්තැම්බර් 28, කොළඹ (LNW):
අග්‍රාමාත්‍යවරිය මහනුවර ශ්‍රී දළදා මාලිගාවට පැමිණ දළදා වහන්සේ වැදපුදා ගත් අතර, ශ්‍රී දළදා මාලිගාවේදී ආගමික වතාවත්වල නිරත විය.
දළදා මාලිගාවට පැමිණි ඇය රැස්ව සිටි සැදැහැවතුන් සමගද අදහස් හුවමාරු කර ගත් අතර, අග්‍රාමාත්‍යවරිය මල්වතු මහා විහාරයට ගොස් එහි මහනායක අතිපූජ්‍ය තිබ්බටුවාවේ ශ්‍රී සුමංගල ස්වාමීන් වහන්සේ බැහැදුටු බව සඳහන් වේ.
රටේ වත්මන් තත්ත්වය පිළිබද අග්‍රාමාත්‍යවරිය මහනායක ස්වමීන් වහන්සේ දැනුවත් කර ඇති අතර, අග්‍රාමාත්‍යවරිය අස්ගිරි මහා විහාරයට ගොස් එම පාර්ශ්වයේ මහනායක අතිපුජ්‍ය වරකාගොඩ ශ්‍රී ඤානරතන ස්වාමීන් වහන්සේද බැහැදුටු බව සඳහන් වේ. එහිදී ඇය මහා සංඝරත්නයේ ආශිර්වාද ලබා ගත් බව පැවසේ.
