සටහන: සශිකලා මධුෂාණි
සැප්තැම්බර් 30; ලෝකය(අවුට්බවුන්ඩ් ටුඩේ) : උතුරු කැරොලිනාවට බලපෑ හෙලීන් සුළි කුණාටුව හේතුවෙන් එක් ප්රාන්තයක පමණක් අවම වශයෙන් පුද්ගලයින් 30 දෙනෙකු මියගොස් ඇති බවත් අනෙකුත් ප්රාන්තවල මියගිය සංඛ්යාව තවම ගණන් බලා නොමැති බවත් වාර්තා වේ.
පසුගිය බ්රහස්පතින්දා (26) ෆ්ලොරිඩාවේ ගොඩබිමට කඩා වැදුණු මෙම සුළි කුණාටුවෙන් පසු අවම වශයෙන් රට පුරා පුද්ගලයින් 105 ක් මියගොස් ඇති අතර සුළි කුණාටුව හේතුවෙන් ෆ්ලොරිඩා, ජෝර්ජියාව, බන්කොම්බ්, ටෙනසි, ඇෂෙවිල් දැඩි ලෙස හානියට පත්ව ඇත. නිවාස, කඩ සාප්පු, සුපිරි වෙළඳසැල් විශාල වශයෙන් විනාශයට පත්ව ඇති අතර ගස් කඩා වැටීම් හේතුවෙන් විදුලිය ඇණහිට තිබේ.
මෙම සුළි කුණාටුව උතුරු කැරොලිනා ප්රාන්තයට බලපෑ බලවත්ම සුළි කුණාටුව වශයෙන් සැලකෙන අතර හෙලීන් සුළි කුණාටුව මඟින් සිදු වූ විනාශය ඩොලර් බිලියන 95 සිට ඩොලර් බිලියන 110 දක්වා වනු ඇතැයි දල වශයෙන් ගණන් බලා ඇත.
