රෂිකා හෙන්නායක සැප්තැම්බර් 30, කොළඹ (LNW):
මහ කන්නය හෙටින් ආරම්භ වන අතර, මහකන්නයට අවශ්ය මොහොතේ පොහොර සහනාධාරය නොලැබුණොත් අපේක්ෂා කරන පරිදී රටට අවශ්ය සහල් තොග ලබා ගැනීම දුෂ්කරවන බව ගොවි ජනතාව පවසති.
ගොවීන් පවසන්නේ, පොහොර සහනාධාරය ඒ වන විට නොලැබුණහොත් අපේක්ෂිත අස්වැන්න නොලැබෙන බවයි .
මහකන්නයේදී කිසිදු බාධාවකින් තොරව වී ගොවිතැන් කටයුතු කර ගැනීම සඳහා රුපියල් විසිපන්දහසක දීමනාවක් ලබා දීමට ජනාධිපතිවරයා පසුගියදා තීරණය කර තිබෙන බව ඔවුන් සඳහන් කළේය.
එමෙන්ම නොවැම්බර් මාසයේ මැතිවරණය අවසන්වන තෙක් තමන්ට සහනාධාරය නොලැබුණොත් ඉන් කිසිදු ප්රයෝජනයක් නොමැති බව ඔවුන් පවසති.
