සටහන – රෂිකා හෙන්නායක
කොළඹ (LNW): ශ්රී ලංකා තේ අපනයනකරුවන්ගේ සංගමයේ ආරාධනයකට අනුව, මෙරට ප්රධාන තේ ගැණුම්කරුවන් වන රුසියාව, කසකස්ථානය සහ අසර්බයිජානය නියෝජනය කරමින් තේ ව්යාපාරිකයින් පිරිසක් ලබන මාසයේ ( ඔක්තෝම්බර්) දිවයිනට පැමිණීමට නියමිත බව සඳහන් වේ.
ඒ සඳහා සහභාගී වන්නේ,ලබාදී ඇති විකුණුම් ඉලක්ක සපුරා ගත්, විදෙස් ගැණුම්කරුවන් 50 දෙනෙකු බව ශ්රී ලංකා තේ අපනයනකරුවන්ගේ සංගමය පවසයි.
ලංකා තේ ප්රවර්ධනය වෙනුවෙන් වෙළෙඳපොළ තුළ ලැබූ ප්රගතිය ඇගයීමට ලක් කරමින් ඔවුන් සඳහා සම්මාන ප්රදානය කිරීමට ද නියමිත අතර, මෙරට රැඳී සිටින කාලය තුළ ඔවුන්, තේ වගා බිම් මෙන්ම කර්මාන්තශාලා ද නිරීක්ෂණය කිටීමටද නියමිත බව සඳහන් වේ.
ලංකා තේ ජාත්යන්තරය තුළ තවත් ප්රචලිත කිරීමේ අරමුණින්, ශ්රී ලංකා තේ අපනයනකරුවන්ගේ සංගමය විසින් මෙය සංවිධානය කරනු ලබයි.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
