රෂිකා හෙන්නායක ඔක්තෝබර් 03, කොළඹ (LNW):
කොරියානු එක්සීම් බැංකුවේ නිලධාරීන් ජනාධිපති ලේකම් ආචාර්ය නන්දික සනත් කුමානායක මහතා ජනාධිපති කාර්යාලයේදී අද (03) හමුවක් පැවති අතර එහිදී ශ්රී ලංකා රජයේ සංවර්ධන ව්යාපෘති සඳහා මූල්ය සහාය ලබාදීමට කොරියානු එක්සීම් බැංකුව එකඟතාවය පළ කර තිබෙන බව ජනාධිපති මාධ්ය අංශය නිවේදනය කළේය.
ශ්රී ලංකාවේ ආර්ථිකය බිඳ වැටුණු අවස්ථාවේදී කොරියානු එක්සීම් බැංකුව ශ්රී ලංකාවේ සංවර්ධන ව්යාපෘති සඳහා ලබා දුන් මූල්ය සහාය 2022 -2024 වසර වලදී අත්හිටුවා තිබූ අතර, එම සංවර්ධන ව්යාපෘති නැවත ක්රියාත්මක කිරීම සඳහා සහන පොලී ණය ලබාදීමට ඉදිරියේදී කටයුතු කරන බව කොරියානු එක්සීම් බැංකුවේ නියෝජිතයන් ජනාධිපති ලේකම්වරයා හමුවේ ප්රකාශ කර තිබෙන බව සඳහන් වේ.
ශ්රී ලංකා රජයේ ආර්ථික වශයෙන් ඵලදායී වැඩසටහන් සඳහාද ඉදිරියේදී මූල්ය සහාය ලබාදීමට බලාපොරොත්තුවන බවද කොරියානු එක්සීම් බැංකුවේ නියෝජිතයින් අවධාරණය කර ඇති බව පැවසේ.
කොරියානු එක්සීම් බැංකුවේ අධ්යක්ෂ වොන්සුක් හා (Won-suk HA), නියෝජ්ය අධ්යක්ෂ හනුයි හන් ( Hanui Han), ව්යාපෘති කළමනාකාර නලින් ජයතුංග යන මහත්ම මහත්මීන් මෙම අවස්ථාවට එක්ව සිටි අතර, ජනාධිපති අතිරේක ලේකම් රොෂාන් ගමගේ මහතා ද මෙම අවස්ථාවට එක්වුණ බව සඳහන් වේ.
