සටහන: සශිකලා මධුෂාණි
ඔක්තෝබර් 03: ලෝකය(අවුට්බවුන්ඩ් ටුඩේ) : ජල අර්බුදය උග්‍ර වීම හේතුවෙන් ඉරානය තම අගනුවරවන ටෙහෙරානය වෙනත් ස්ථානයකට මාරු කළ යුතු බව ඉරාන ජනාධිපති මසූඩ් පෙසෙෂ්කියන් ප්‍රකාශ කර තිබේ.
මිලියන 10 කට අධික ජනතාවක් වෙසෙන ටෙහෙරානය මේ වන විට ගිලා බැසීමේ තර්ජනයකට මුහුණ දී ඇති අතර ඉරානයේ සමස්ත ජල සැපයුම්වලින් හතරෙන් එකක් පමණ පරිභෝජනය කරයි.
ඉරාන ජනාධිපතිවරයා මේ සම්බන්ධයෙන් සඳහන් කර තිබුණේ, තමා පසුගිය වසරේ උත්තරීතර නායක අයතුල්ලා අලි කමේනි සමඟ අග නගරය මාරු කිරීමේ යෝජනාව ඉදිරිපත් කළ බවත්, එයට බොහෝ විවේචන එල්ල වී ඇති බවත්, මේවන විට ටෙහෙරාන්, කරාජ් සහ කස්වින් දැනට ජල අර්බුදයකට මුහුණ දී සිටින බැවින් මෙම අර්බුදය පහසුවෙන් විසඳා ගත නොහැකි හෙයින් අගනගරය වෙනස් කිරීම හැර වෙනත් විකල්පයක් නොමැති බවත්ය.
