කදුකරයට පවතින අයහපත් කාලගුණය හේතුවෙන් විමලසුරේන්ද්‍ර ජලාශය ඊයේ (03) සිට වාන් දමන බව ජලාශය භාර වාරි ඉංජිනේරුවන් පවසති.
විමලසුරේන්ද්‍ර.ලක්ෂපාන .නව ලක්ෂපාන .කැණියෝන් හා පොල්පිටිය
යන ජල විදුලිය බලාගාර උපරිම ධාරිතාවට විදුලිය නිෂ්පාදනය කිරිමේ කටයුතු සිදු කරමින් තිබිය දී ත් මේ ආකාරයෙන් වාන් දැමීම සිදුවන අතර පසුගිය දින කීපයක සිට ප්‍රදේශයට පවතින අධික වැසි තත්ත්වය මීට හේතු වී තිබේ.
ලංකා විදුලිය බල මණ්ඩලය සතු මෙම ජලාශය වැසි සහිත තත්ත්වය හමුවේ වාන් දමන අතර එම හේතුව නිසා කැලණි ගගේ ජල මට්ටම ද ඉහල යාම සැඩ පහර තරමක් සැර වී තිබෙන අයුරු දක්නට ලැබින.මෙම තත්ත්වය නිසා කැලණි ගගේ ජලය හා විවිධ කටයුතු සදහා ගංගාව පරිහරණය කරන ජනතාව ආරක්ෂාකාරි වන ලෙස ආපදා කළමණාකරණ එකකය ජනතාවට දැනුම් දෙනු ඇත.
ක්‍රිෂාන්තන්
