සටහන: සශිකලා මධුෂාණි
ඔක්තෝබර් 05: ලෝකය(අවුට්බවුන්ඩ් ටුඩේ) : චිකාගෝ නගරයට ජාතික ආරක්ෂක භටයින් 300 ක් යෙදවීමට ජනාධිපති ඩොනල්ඩ් ට්රම්ප් ක්රියාකර ඇති බව වාර්තා වේ.
ඩිමොක්රටික් පක්ෂය විසින් පාලනය කරනු ලබන නගරයක් වන චිකාගෝහි වැඩිවන අපරාධ මැඩලීම, ෆෙඩරල් නිලධාරීන් සහ වත්කම් ආරක්ෂා කිරීම හා නොසන්සුන්තාව මැඩපැවැත්වීම වෙනුවෙන් මෙලෙස ජාතික ආරක්ෂක භටයන් යොදවන ලද බව ට්රම්ප්ගේ පරිපාලනය නිවේදනය කර ඇත.
ජාතික ආරක්ෂක භටයින් සාමාන්යයෙන් රාජ්යයක ආණ්ඩුකාරවරයා විසින් යොදවනු ලබන අතර සියවස් ගණනක් පැරණි නීති මගින් රජය විසින් දේශීය කටයුතු සඳහා හමුදාව භාවිතා කිරීම සීමා කරන බැවින්, මෙම යෙදවීම් නීතිමය සහ ව්යවස්ථාමය ප්රශ්න දෙකම මතු කර ඇත.
සති ගණනාවක් තිස්සේ රාජ්ය සහ ප්රාදේශීය නායකයින් ට්රම්ප්ගේ යෙදවීමේ සැලසුම් විවේචනය කර ඇති අතර එය බලය අයුතු ලෙස භාවිතා කිරීමක් ලෙස හඳුනවා ඇත. මේ සම්බන්ධයෙන් ඉලිනොයිස් ආණ්ඩුකාර ජේ.බී. ප්රිට්ස්කර් මෙම ට්රම්ප්ගේ තීරණය සම්බන්ධයෙන් සඳහන් කර තිබුණේ, ජනාධිපති ට්රම්ප් අර්බුදයක් ඇති කිරීමට උත්සාහ කරන බවයි.
චිකාගෝ නගරයේ ආගමන බලාත්මක කිරීම සම්බන්ධයෙන් විරෝධතා වැඩිවීමක් දක්නට ලැබෙන අතර, නගරයේ අපරාධ සහ වෙඩි තැබීම් උපුටා දක්වමින් ට්රම්ප් මාසයකට ආසන්න කාලයක් චිකාගෝ වෙත හමුදා යැවීමට තර්ජනය කර ඇත.
පසුගිය වසර දෙක තුළ චිකාගෝ හි ප්රචණ්ඩකාරී අපරාධ සැලකිය යුතු ලෙස පහත වැටී ඇති අතර අපරාධ යුක්තිය පිළිබඳ කවුන්සිලයට අනුව, ජනවාරි සහ ජුනි අතර, පසුගිය වසරේ එම කාලයට සාපේක්ෂව මිනීමැරුම් අනුපාතය තුනෙන් එකකින් අඩු වී ඇත.
