රෂිකා හෙන්නායක ඔක්තෝබර් 07, කොළඹ (LNW):
සර්වජන බලය දේශපාලන එකමුතුව ‘පදක්කම’ ලකුණින් ඉදිරි මහ මැතිවරණය සඳහා තරග කරන බව මව්බිම ජනතා පක්ෂයේ නායක ව්‍යවසායක දිලිත් ජයවීර පැවැසීය.
අද (07) බොරැල්ල සර්වජන බලය ප්‍රධාන කාර්යාලයේ පැවැති මාධ්‍ය හමුවේදී ඔහු මේ බව ප්‍රකාශ කළේය
එමෙන්ම මැතිවරණ කොමිෂන් සභාව විසින් සර්වජන බලය දේශපාලන එකමුතුව සඳහා ලියාපදිංචිය ද ලබා දී තිබේ.
ඒ අනුව එම එකමුතුව පසුගිය ජනාධිපතිවරණය සඳහා ‘තරුව’ ලකුණින් ඉදිරිපත් වූ අතර එම ලකුණ ශ්‍රී ලංකාවේ කොමියුනිස්ට් පක්ෂයේ ලකුණ වේ.
එම නිසා එම ලකුණින් ඉදිරි මහ මැතිවරණය සඳහා ඉදිරිපත් වීමට නොහැකි නිසා පක්ෂයේ විධායක සභාව විසින් මෙලෙස ‘පදක්කම’ ලකුණ තෝරාගෙන එය මැතිවරණ කොමිෂන් සභාවට යොමු කර ලියාපදිංචිය ලබා ගෙන ඇති බව පැවසේ.
