සපුගස්කන්ද තෙල් පිරිපහදුව නැවතත් වසා දැමීමට තීරණය කිරීමට සිදුවුණු බව බලශක්ති අමාත්ය කංචන විජේසේකර මහතා පවසයි.
බොරතෙල් නොමැති වීම හේතුවෙන් අදාළ ප්රතිපත්තිමය තීරණය ගැනීමට සිදුවුණු බවයි ඒ මහතා සඳහන් කළේ.
නෞකා දෙකකින් ගෙන්වූ බොරතෙල් යොදා ගනිමින් පසුගිය මාස දෙකක කාලය තුළ සපුගස්කන්ද පිරිපහදුවේ කටයුතු පවත්වාගෙන ගිය අතර තුන්වැනි බොරතෙල් නෞකාව පසුගිය දින 10 තුළ මෙරට මුහුදු සීමාවට පැමිණ තිබුණත් එය නිදහස් කරගැනීම සඳහා ගෙවීමට විදේශ විනිමය නොමැති වීම මත මෙම තත්වය උද්ගතව ඇති බවත් අමාත්යවරයා ප්රකාශ කළේය.
කෙසේවෙතත් ලංකා ඛනිජ තෙල් සංස්ථාව සතුව ප්රමාණවත් ඉන්ධන තොග පවතින බැවින් ඉන්ධන සැපයුම මෙතෙක් පවත්වාගෙන ආ ආකාරයට සිදුකළ හැකි බව පැවසූ අමාත්යවරයා ඉන්ධන හිඟයක් පිළිබඳ අනිසි බියක් ඇතිකර ගතයුතු නොමැති බවත් පැවසීය.
අමාත්ය කංචන විජේසේකර මහතා මේ බව පැවසුවේ අද (07) පාර්ලිමේන්තුව අමතමිනි.
RN
