රෂිකා හෙන්නායක ඔක්තෝබර් 08, කොළඹ (LNW):
ජනාධිපති අනුර කුමාර දිසානායක මහතා වෙත ඇමෙරිකා එක්සත් ජනපද ජනාධිපති ජෝ බයිඩන් උණුසුම් සුබපැතුම් පිරිනමා ඇත.
එක්සත් ජනපදය සහ ශ්රී ලංකාව අතර පවතින දීර්ඝකාලීන සබඳතා සිහිපත් කරමින් සමස්ත ඇමෙරිකා ජනතාව වෙනුවෙන් ජනාධිපති අනුර කුමාර දිසානායක වෙත සුබපැතුම් එක් කර ඇති ජෝ බයිඩන් මහතා ශ්රී ලංකාවේ ප්රජාතන්ත්රවදය තවදුරටත් තහවුරු කරමින් පසුගිය ජනාධිපතිවරණය සහ පශ්චාත් ජනාධිපතිවරණ සමය ඉතා සාමකාමී අන්දමින් පවත්වා ගැනීම පිළිබඳව ද සිය ප්රසාදය පළ කර තිබේ.
ආර්ථික වර්ධනය, කලාපීය ආරක්ෂාව සහ ප්රජාතන්ත්රවාදී පාලනය යන ක්ෂේත්ර ඔස්සේ දෙරට අතර සහයෝගීතාව වර්ධනය කර ගැනීම උදෙසා ජනාධිපති අනුර කුමාර දිසානායක සමඟ කටයුතු කිරීමට අපේක්ෂා කරන බවත්, ශ්රී ලංකාවේ සියලුම පුරවැසියන් සඳහා ස්ථාවර, සෞභාග්යවත් සහ වඩා සාධාරණ රටක් පිළිබඳ වන දැක්ම සාක්ෂාත් කර ගැනීමට එක්සත් ජනපදයේ සහාය ලබා දෙන බවත් ඇමෙරිකානු ජනාධිපති ජෝ බයිඩන් යොමු කළ සුබපැතුම් පණිවිඩයේ සඳහන් කර ඇත.
අමෙරිකානු ජනාධිපති බයිඩන් සිය සුබ පැතුම් පණිවුඩයෙහි තවදුරත් සඳහන් කර තිබුණේ,
"මෙම මැතිවරණය ශ්රී ලංකාවේ ප්රජාතන්ත්රවාදී ආයතනවල ශක්තිය සහ ප්රජාතන්ත්රවාදයේ පදනම වන සාමකාමී නිදහස් හා සාධාරණ මැතිවරණයක් තුළින් ඔවුන්ගේ අනාගතය හැඩගස්වා ගැනීම සඳහා ජනතාව තුළ වන කැපවීම ඉස්මතු කෙරේ."යන්නයි.
