රෂිකා හෙන්නායක ඔක්තෝබර් 08, කොළඹ LNW :
සෑම අංශයක්ම ආවරණය වන පරිදි කොළඹ මධ්‍යම තැපැල් හුවමාරුවේ සේවකයින්ගේ පැමිණිමේ හා පිටවීම සලකුණු කිරිම ඇඟිලි සලකුණු යන්ත්‍ර මගින් සිදු කිරීමට පියවර ගෙන ඇති බව, තැපැල්පති රුවන් සත්කුමාර මහතා සඳහන් කළේය.
තැපැල්පතිවරයා ප්‍රකාශ කළේ, ඒ අනුව ඉදිරියේදි අතිකාල ගණනය කිරීම් එහි සටහන් වන දත්ත මත සිදු කරනු ඇති අතර, සියලු පාලන කාර්යාලවලද මේ වනවිට ඇඟිලි සලකුණු යන්ත්‍ර ස්ථාපිත කර ඇති බවයි.
තවද, තැපැල් දෙපාර්තමේන්තුවේ සියලු පළාත් කාර්යාල, හා තැපැල් කාර්යාලවලද ඇඟිලි සලකුණු යන්ත්‍ර පිහිටුවීමට කඩිනමින් කටයුතු කරන බව තැපැල්පතිවරයා සඳමන් කළේ ය විගණකාධිපතිවරයාගේ විගණන වාර්තාවල නිර්දේශ පදනම් කර ගනිමින් ඇගිලි සලකුණු යන්ත්‍ර පිහිටුවීමට පියවර ගෙන තිබෙන බවද වාර්තා වේ.
